00:00:00 IGIHE NETWORK KN KINYARWANDA EN ENGLISH FR FRANCAIS

Iburengerazuba: Urubyiruko rweretswe amahirwe y’ishoramari mu buhinzi bw’icyayi

Yanditswe na Manzi Angelo
Kuya 30 Ukuboza 2022 saa 03:51
Yasuwe :

Guverineri w’Intara y’Iburengerazuba, Habitegeko François, yavuze ko atumva ukuntu hakiri urubyiruko rudafite imirimo kandi ubuhinzi bw’icyayi ari isoko y’amafaranga, itabyazwa umusaruro uko bikwiye.

Guverineri Habitegeko avuga ko bafite gahunda yo kongera ubutaka buhingwaho icyayi muri iyi Ntara, kuko butunze benshi, bitandukanye n’imyumvire ya bamwe.

Yagize ati "Usanga nk’uruganda rumwe rukoresha abantu 5000 ku kwezi, urumva ushyizemo n’imiryango batunze ni abantu benshi bafatika ku buryo twifuza kongera ubuhinzi bw’icyayi mu Ntara yacu, tukongera n’abakozi bakoramo, ariko kandi tukanongera umusaruro kuri hegitari kuko tugifite amahirwe yo kuzamura uwo musaruro."

Icyakora, uruhare rw’urubyiruko rw’u Rwanda mu bikorwa by’ubuhinzi no gutunganya umusaruro bisa nk’aho bikiri hasi.

Ibi kenshi ugasanga biterwa n’uko bamwe bafite imyumvire itari yo y’uko ubuhinzi budatanga umusaruro, umwuga udakunzwe, batakora bitewe n’amashuri menshi bafite.

Guverineri Habitegeko yakomeje ati "Nk’ubu dufite ikibazo mu basoromyi bakiri bakeya kandi tukagira n’abaturage badafite imirimo, rero sinumva iki kibazo cy’urubyiruko rushomereye n’umusaruro ugomba kuva mu murima, abantu bakabonamo akazi, kuko niba icyayi twohereza mu mahanga kizamuka, tubona amadovize menshi n’amafaranga ajya mu baturage akiyongera, kuko nk’umwaka ushize miliyari 13 Frw zinjiye mu mifuka ya baturage bacu bazikuye mu cyayi."

Gahunda y’Igihugu ya kane yo kuvugurura ubuhinzi (PSTA 4) 2018-24 igaragaza ko ubuhinzi bugize kimwe cya gatatu cy’ubukungu bw’u Rwanda, bugatanga hafi ya kimwe cya kabiri cy’ibicuruzwa byoherezwa mu mahanga.

Ubuhinzi kandi butanga akazi ku bajya kungana na bibiri bya gatatu by’abaturage bose bageze igihe cyo gukora.

Kuri ubu Intara y’Iburengerazuba ihinga kuri hegitari zikabakaba 16,158, ku musaruro mpuzandengo wa toni 6 n’ibiro 600 by’amababi kuri hegitari.

Guverineri Habitegeko yasabye urubyiruko kuyoboka ubuhinzi bw'icyayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .