Mu Rwanda iki gitabo kiri mu biro by’Intumwa ya Papa.

Mukeka yagishyizemo ubutumwa bwe mu gitondo cyo kuri uyu wa Kane.

Ubutumwa bwa Mukeka buvuga ko “Mu izina rya Minisiteri y’Ububanyi n’Amahanga, nihanganishije Guverinoma ya Vatican, Kiliziya Gatolika, ndetse n’abemera bose bo hirya no hino ku Isi, ku bw’urupfu rwa Papa Francis.”

Yakomeje avuga ko Papa Francis yabereye benshi icyitegererezo.

Ati “Nyirubutungane yari umuyobozi ushimwa mu by’umwuka ndetse impuhwe n’urukundo afitiye abandi byabereye icyitegererezo miliyoni z’abantu barimo n’aba hano mu Rwanda. Ibigwi bye bizakomeze kubaho binyuze mu mirimo ya kiliziya n’ibikorwa by’abo yari asangiye nabo umuhamagaro.”

Papa Francis yitabye Imana tariki 21 Mata 2025, azize Stroke no guhagarara k’umutima. Yari amaze imyaka 12 ayoboye Kiliziya Gatolika ku Isi kuko yimitswe muri Werurwe 2013, asimbuye Papa Benedigito wa 16 wari umaze kwegura.

Umunyamabanga Uhoraho muri Minisiteri y’Ububanyi n’Amahanga n’Ubutwererane, Mukeka Clémentine, yanditse mu gitabo cyashyizweho ku bw’urupfu rwa Papa

Mukeka Clémentine, hamwe n’intumwa ya Papa mu Rwanda