Ibiciro bya gaz byaragabanutse kubera COVID-19

Yanditswe na Mutangana Gaspard
Kuya 24 Kanama 2020 saa 07:01
Yasuwe :
0 0

Urwego Ngenzuramikorere, RURA, rwatangaje ko ibiciro bya gaz byagabanutse kubera ibikorwa by’ubucuruzi byinshi byahagaritswe n’ingamba zo gukumira ikwirakwira ry’icyorezo cya COVID-19.

Abacuruzi n’abaranguzi ba gaz bavuga ko umubare w’abazikenera wagabanutse kubera ko abayikoresha cyane barimo hoteli, restaurant, utubari, n’ibindi bikorwa by’ubucuruzi byahagaze gukora.

Iri gabanuka ryatumye ikilo cya gaz cyaguraga 1084 Frw gishyirwa ku mafaranga y’u Rwanda ari hagati ya 900 na 1000.

Umwe mu baranguza gaz mu Karere ka Gasabo, Ndayiragije Bosco, yabwiye Rwanda Today, ati “Twatangiye kubona igabanuka by’ibiciro bya gaz mu byumweru nka bibiri cyangwa bitatu bishize.”

Ibi kandi byashimangiwe n’Umuyobozi Mukuru muri RURA ushinzwe ibijyanye n’Ingufu, Amazi, Isuku n’Isukura, Alexis Mutware.

Yakomeje ati “Ibiciro bya gaz byatangiye kumanuka ku rwego mpuzamahanga, bitewe n’uko ubuhahirane hagati y’ibihugu butameze neza. Icyakora nta wakwizera ko ibiciro bizakomeza kugabanuka kuko nta bubiko buhagije dufite.”

Swaleh Abdu Mubaraka uranguza gaz mu Mujyi wa Kigali na we yavuze ko igabanuka ry’ibiciro bya gaz ryatewe n’ifungwa rya hoteli n’ibindi bikorwa by’ubucuruzi byakeneraga gaz nyinshi, hakiyongeraho n’ubuhahirane hagati y’ibihugu butakigenda neza.

Imibare ituruka mu Kigo cy’Igihugu cy’Ibaruramibare (NISR) igaragaza ko abakoresha gaz mu guteka bagabanutse ku kigero cya 0.5% muri Kamena, hanyuma bakaza gutumbagira ku kigero ya 4.3% muri Nyakanga 2020.

Ibiciro bya gaz mu Rwanda byaragabanutse kubera igabanuka ry'ikoreshwa ryayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .