Hasabwe ko inganda zitunganya zikanongerera intungamubiri ibiribwa zakoroherezwa

Yanditswe na Iradukunda Serge
Kuya 25 Kanama 2020 saa 08:02
Yasuwe :
0 0

Sosiyete sivile irasaba ko Inganda zitunganya ibyo kurya zakoroherezwa mu mikorere yazo kubera uruhare zigira mu gukemura ikibazo cy’imirire mibi, by’umwihariko ibijyanye n’igwingira ry’abana.

Sosiyete sivile ivuga ko izi nganda ziramutse zoroherejwe byafasha mu gukora byinshi no kubigeza mu babikeneye bose.

Ni igitekerezo abagize Sosiyete Sivile batanze ku wa 21 Kanama mu nama yahuje abafatanyabikorwa mu bijyanye n’imirire igamije gusuzuma amabwiriza agenga igikorwa cyo gutunganya no kongerera agaciro ibiribwa mu Rwanda.

Imibare ya Porogaramu y’Igihugu Mbonezamikurire y’abana bato (NECDP), yerekana ko igwingira ry’abana mu Rwanda riri ku kigero cya 35%,ikibazo Sosiyete sivile ivuga ko inganda zitunganya ibyo kurya zibyongeramo imyungu ngungu z’izindi ntungamubiri zagira uruhare mu gukemura.

Umukozi w’Umuryango uharanira Uburenganzira bw’Abaguzi (ADECOR), Paul Muvunyi yavuze ko leta ikwiye gufasha izi nganda zitunganya ibyo kurya mu bijyanye n’imisoro kugira ngo zikore ibiribwa buri munyarwanda ashobora kwigondera.

Yagize ati “Kongerera ibiribwa intungamubiri ni ingenzi kuko bikemura ikibazo cy’intungamubiri nke, kandi bigatanga n’izindi zinyongera ku giciro gito, kwagura ibikorwa byo gukora ibiribwa byongewemo intungamubiri byafasha mu kwimakaza imirire iboneye mu Rwanda, bikagezwa ku bakene n’abakire.”

Muvunyi akomeza avuga ko inganda zitunganya ibiribwa zikanabyongerera intungamubiri zigihura n’ikibazo cyo kubona iby’ibanze zikoresha mu buryo buhoroho, ibikoresho byo gupfunyikamo ndetse n’ikibazo cy’igishoro gito.

Inganda zisabirwa koroherezwa harimo izitunganya zikanongerera intungamubiri ingano, ifu y’ibigori, amata n’ibiyakomokaho, ibiryo by’abana ndetse n’ibindi byo kunywa bitandukanye.

Sosiyete sivile yasabye guverinoma ko kandi yakongera ingengo y’imari ishyira mu kwihaza mu biribwa no kurwanya imirire mibi.

Sosiyete sivile irasaba ko leta yakorohereza inganda zitunganya zikanongerera intungamubiri ibiribwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .