00:00:00 IGIHE NETWORK KN KINYARWANDA EN ENGLISH FR FRANCAIS

Hagiye gutangizwa ukwezi kwahariwe Airtel Money

Yanditswe na Mugisha Christian
Kuya 29 June 2022 saa 04:25
Yasuwe :

Nk’uko biri muri gahunda za Leta y’u Rwanda hakomeje gushyirwamo imbaraga mu bikorwa byo kwishyurana no kugura ibintu bitandukanye hakoreshejwe ikoranabuhanga rya telefoni ngendanwa.

Ubu buryo bwasembuwe n’icyorezo cya COVID-19 aho kuva iki cyorezo cyatera mu Rwanda imibare igaragaza ko burushaho gucengera mu baturage.

Ni muri urwo rwego Ikigo Airtel Money gitanga serivisi z’imari zishamikiye kuri serivisi za Airtel kigiye gutangiza ukwezi kwahariwe kumenyekanisha serivisi zacyo.

Ibi byatangarijwe mu nama n’itangazamakuru igamije gusobanura imikorere y’iki kigo mishya no kumurika uhagarariye ibikorwa byo kumenyekanisha Airtel Money mu gihugu.

Uyu muhango wabaye kuri uyu wa kabiri ku ya 28 Kamena 2022 ubera ku cyicaro gikuru cya ‘Airtel Money’ giherereye i Nyarutarama mu Mujyi wa Kigali.

Muri uku kwezi kuzatangira muri Nyakanga hazibandwa ku buryo iki kigo gitanga serivisi zo kwishyura hifashishijwe USSD cyangwa uburyo bw’ikoranabuhanga aho ukoresha umurongo wa Airtel ashobora kwishyura ifatabuguzi, ibitaro, umusoro, ama inite, amafaranga y’ishuri ndetse n’izindi serivisi zitandukanye kandi akaba yakohereza akanakira amafaranga ku mirongo yose.

Akarusho k’ubu buryo ni uko iyo wishyuye cyangwa wohereje amafaranga ku muntu nawe ubukoresha nta kiguzi cy’amafaranga ucibwa.

Muri iki gikorwa kandi hanerekanywe Kakooza Nkuriza Charles uzwi nka KNC, nk’uzaba uhagarariye ibikorwa byo kumenyakanisha (Branda Ambassador) serivisi za Airtel Money.

KNC yavuze ko ari ingenzi kwifashisha ikoranabuhanga mu bikorwa byose cyane guhererekanya amafaranga kugira ngo abantu babashe kugendera ku muvuduko w’iterambere ry’Isi.

Yagize ati “Iki gikorwa ni cyiza cyane icyo ngomba gukora ni ukwereka abantu ibyiza n’akamaro kacyo nkashishikariza inshuti zanjye, abakunzi banjye bose, yewe n’urubambye ingwe n’abandi benshi.”

Kugira ngo ubashe kohereza no kwakira amafaranga ukoresheje ubu buryo bwa Airtel Money ugomba kubanza kwemeza amategeko n’amabwiriza.

Ukanda *182*11# ukemeza amabwiriza cyangwa ugakoresha application ya Airtel Money muri telefoni ngendanwa kugira ngo ubashe gutangira kubukoresha.

Umuyobozi Mukuru wa Airtel Money, Jean Claude Gaga, yavuze ko Airtel ishishikajwe no gufata iya mbere mu gushishikariza abaturage muri rusange kugendana n’iterambere binyuze muri serivisi itanga.

Yagize ati “Biranshimishije cyane gutangaza ukwezi kwa Nyakanga kwahariwe Airtel Money. Ibi bibaye nyuma y’itangizwa rya serivisi nshya ituma umuntu uwo ari we wese uri ku murongo wa telefoni igendanwa yohereza akanakira amafaranga ava ku muyoboro uwo ari wo wose tuzakomeza gufatanyiriza hamwe kuzanira ibyiza Abanyarwanda bose.”

Imibare ya Banki Nkuru y’u Rwanda (BNR) igaragaza ko ikoreshwa ry’ikoranabuhanga mu guhererekanya amafaranga rigenda rirushaho gutera imbere. Mu 2021 ikigereranyo cy’ingano y’ibyishyuwe n’umuturage umwe hakoreshejwe ikoranabuhanga cyageze kuri 81,1% kivuye kuri 47,4% muri Kamena 2020.

Umubare w’abakoresha telefoni mu kwishyurana mu buryo buhoraho nawo wiyongereyaho 25% uva ku bantu 4,915,320 muri Kamena 2020 ugera ku bantu 6,129,624 muri Kamena 2021.

Umubare w’ibikorwa byo kwishyurana hakoreshejwe telefoni nabyo byiyongereye ku kigero cya 42% biva kuri 299,013,452 muri Kamena 2020 bigera kuri 424,792,238 muri Kamena 2021.

Umuyobozi Mukuru wa Airtel Money, Jean Claude Gaga, yavuze ko Airtel ishishikajwe no gufata iya mbere mu gushishikariza abaturage gukoresha ikoranabuhanga
Kakooza Nkuriza Charles uzwi nka KNC yagizwe Brand Ambassador wa Airtel Money
Iki gikorwa cyitabiriwe n'abanyamakuru batandukanye
KNC agiye gukorana na Airtel Money
Hagiye gutangizwa ukwezi kwahariwe Airtel Money

Amafoto: Munyakuri Prince


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .