00:00:00 IGIHE NETWORK KN KINYARWANDA EN ENGLISH FR FRANCAIS

Habonetse indi mirambo ibiri ireremba muri Rweru

Yanditswe na

Frank Mwizerwa

Kuya 31 Ukwakira 2014 saa 08:10
Yasuwe :
0 0

Indi mirambo ibiri yabonetse mu Kiyaga cya Rweru muri Komini Giteranyi mu Ntara ya Muyinga ku ruhande rw’u Burundi.
Hagendewe ku makuru yatangajwe n’abarobyi bayibonye, iyi mirambo ishobora kuba ifitanye isano n’imirambo 40 bivugwa ko nayo yabonetse muri icyo kiyaga guhera tariki ya 25 Kanama 2014.
Abo barobyi batangaje ko iyi mirambo nayo basanze ifunze mu mifuka, kandi nk’uko byatangajwe n’Ibiro Ntaramakuru by’u Rwanda (RNA), ngo yari yaraboze ku buryo hakekwa ko yari yarahagamye ahantu (...)

Indi mirambo ibiri yabonetse mu Kiyaga cya Rweru muri Komini Giteranyi mu Ntara ya Muyinga ku ruhande rw’u Burundi.

Hagendewe ku makuru yatangajwe n’abarobyi bayibonye, iyi mirambo ishobora kuba ifitanye isano n’imirambo 40 bivugwa ko nayo yabonetse muri icyo kiyaga guhera tariki ya 25 Kanama 2014.

Abo barobyi batangaje ko iyi mirambo nayo basanze ifunze mu mifuka, kandi nk’uko byatangajwe n’Ibiro Ntaramakuru by’u Rwanda (RNA), ngo yari yaraboze ku buryo hakekwa ko yari yarahagamye ahantu hatazwi, kuko bigaragara ko yari imaze igihe mu mazi.

Kimwe n’indi mirambo yarohowe muri Rweru muri Kanama, iyi mirambo ibiri yatoraguwe n’abarobyi ireremba tariki ya 28 Ukwakira nayo ntihamanyekanye aho ikomoka, ikaba ije yiyongera ku rujijo rwari rwatejwe n’iyabonetse mbere.

Ikiyaga cya Rweru gikorwaho n'u Rwanda n'u Burundi nicyo cyatoraguwemo iyo mirambo

Mu mpeza za Kanama nibwo amakuru yasakaye hirya no hino ko hari imirambo 40 yarohowe mu Kiyaga cya Rweru; gusa iyo mirambo ntihigeze hagaragazwa irengero ryaryo kuko nyuma gato y’uko havuzwe ko yabonetse muri ayo mazi akorwaho n’ibihugu byombi, hahise hashyingurwa ine gusa, kandi bikorwa abaganga batabanje kuyisuzuma ngo hamenyekanye inkomoko yayo.

Inkomoko y’iyi mirambo yateje impagarara zikomeye kuko u Burundi bwatangaje ko atari iyabwo, ahubwo bwemeza ko yaba yarakomotse mu Rwanda, aho bemeza ko yazanywe n’Umugezi w’Akagera nako kakayisuka muri Rweru.

U Rwanda rwahakanye iby’aya makuru ahanini atari ashingiye ku bimenyetso bifatika, dore ko abemezaga ko iyi mirambo ari iy’u Rwanda bavugaga ko umwe muri yo wari wambaye umupira wanditseho amagambo y’Ikinyarwanda ndetse undi ukaba wari ufite ikarita ya mitiweli yatangiwe muri Gisenyi; amakarita yatanzwe iyiswe Gisenyi yarahindutse amateka kuko ubu ari mu Karere ka Rubavu.

Aya makuru agitangira gucicikana, Umuyobozi w’ishami rishinzwe iperereza muri Polisi y’Igihugu ACP Theos Badege yatangaje ko hakozwe iperereza ku ruhande rw’u Rwanda, bagasanga abaturage baturiye icyo kiyaga bose bari amahoro kandi nta muntu waba waraburiwe irengero.

Iboneka ry’iyi mirambo ryakuruye urwikekwe rutuma Amerika yemerera u Burundi kohereza umutwe ushinzwe iperereza mu Kigo cy’Ubutasi cy’Amerika FBI ngo bakure igihu ku nkomoko y’ iyo mirambo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .