Gushakisha imibiri y’abazize Jenoside ahubatse ibitaro bya Gitwe bigiye gutangira

Yanditswe na Twarabanye Venuste
Kuya 11 Kamena 2020 saa 09:50
Yasuwe :
0 0

Impuzamiryango iharanira inyungu z’abarokotse Jenoside yakorewe Abatutsi, Ibuka, yatangje ko imirimo yo gushakisha imibiri y’Abazize Jenoside yakorewe Abatutsi yajugunywe mu bice by’ahubatse ibitaro bya Gitwe, igiye gutangira mu munsi ya vuba nyuma y’amakuru amaze iminsi akusanywa.

Mu bihe bitandukanye cyane cyane ibyo kwibuka Jenoside yakorewe Abatutsi, abarokotse ntibahwemye kugaragaza ko ababo biciwe mu bice by’ahubatse ibitaro bya Gitwe mu Karere ka Ruhango batigeze baboneka, basaba ko imibiri yabo yashakishwa aho yagiye ijugunywa, igashyingurwa mu cyubahiro.

Ku itariki 10 Kamena nabwo hongeye gutangwa amakuru avuga ahandi havugunywe imibiri muri ibyo bitaro.

Umunyamabanga Nshingwabikorwa wa Ibuka, Naphtal Ahishakiye, yabwiye IGIHE ko atari ayo makuru y’ejobundi gusa, ahubwo ko muri rusange amakuru yakusanyijwe ndetse agasesengurwa nk’uko bigenda n’ahandi mu gihugu.

Yavuze ko byaje kugaragara ko ibyavuzwe ko ahubatswe ibitaro bya Gitwe hari imibiri y’abazize Jenoside ari ukuri, ku buryo imirimo yo gushakisha iyo mibiri itangira mu minsi ya vuba.

Ati “Nka 80% biragaragara ko amakuru abantu bamaze kubona, imibiri irahari. hakomeje kubaho gushaka amakuru kugeza ubwo hamenyekanye ko hariya hantu hari imibiri ubwo ikazakurwamo."

Imirimo yagombaga kuba yaratangiye ku wa Kane w’icyumweru gishize ariko biba bihagaze, bikazakomeza mu minsi mike.

Buri muntu ufite amakuru y’ahajugunywe Abatutsi bishwe muri Jenoside ashishikarizwa kuyatanga kugira ngo imibiri ikurwe aho yajugunywe ishyingurwe mu cyubahiro, nka kimwe mu bikorwa bifasha mu gusigasira amateka ndetse bigafasha by’umwihariko abarokotse mu kwiyubaka.

Umunyamabanga Nshingwabikorwa wa Ibuka, Naphtal Ahishakiye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .