Aba bakozi bavuga ko baheruka guhembwa amafaranga y’ukwezi k’Ukuboza 2014.

Umwe muri aba bakozi yagaragarije IGIHE ko kuba bamaze icyo gihe cyose badahembwa byabagizeho ingaruka zitandukanye zirimo kugorwa no kugera ku mirimo yabo, kuko usanga bakorera mu mirenge iri kure y’ingo zabo, kunanirwa kwishyura imyenda y’ibiribwa bafashe mu gutunga imiryango yabo.

Kubera amadeni, bavuga ko ababakopa ibyo kurya babafashe nka ba bihemu, ndetse ngo hari n’abagorwa no kwishyurira abana amashuri.

Umunyamabanga Nshingwabikorwa w’Akarere ka Gisagara, Mvukiyehe Innocent, yabwiye IGIHE ko icyo kibazo cy’abo bakozi kizwi, koko bamaze amezi atatu badahembwa.

Akomeza avuga ko Minisiteri y’Imari n’Igenamigambi yari itarashyira amafaranga yabo kuri konti y’Akarere ngo kabahembe, ariko ngo biri mu nzira zo gukemuka.

Mvukiyehe yemeza ko amafaranga y’imishahara yabo yamaze koherezwa muri Banki Nkuru y’Igihugu, ubuyobozi bw’aka karere ngo bugiye gukurikirana iki kibazo ku buryo mu gihe kitarenze iminsi itatu bagomba kuba bishyuwe imishahara yabo.

Umuyobozi w'Akarere ka Gisagara, Karekezi Leandre