Gatesi uri mu batangije korali Christus Regnat yitabye Imana

Yanditswe na Muvunyi Arsène
Kuya 19 Werurwe 2019 saa 05:20
Yasuwe :
0 0

Gatesi Nadège wari umuririmbyi muri korali Christus Regnat iri mu zikomeye muri Kiliziya Gatolika mu Rwanda yitabye Imana azize uburwayi.

Amakuru IGIHE yahawe na Bizimana Jérémie wari umwe mu nshuti za hafi Gatesi banaririmbanaga, yavuze ko yaguye mu bitaro byitiriwe Umwami Faisal mu Mujyi wa Kigali, aho yari amaze icyumweru arwariye uburwayi bwaje butunguranye.

Ati “ Yazize uburwayi butunguranye kuko yafashwe ku cyumweru gishize, afatwa n’umutwe ukomeye bamujyanye kwa muganga basanga ngo ari amaraso yipfunditse ku bwonko.”

Yavuze ko icyo bazahora bamwibukiraho ari urukundo, kwicisha bugufi n’ibyishimo byahoraga bimuranga.

Gatesi yari umwe mu batangije korali Christus Regnat yaririmbaga ijwi rya kabiri rizwi nka alto.

Yari amaze imyaka irindwi asezeranye n’umugabo asigiye abana babiri b’abahungu barimo umwe ukiri uruhinja.

Muri Korali yari umwe mu b'Imena
Gatesi yitabye Imana azize uburwayi
Gatesi yari umwe mu batangije korali ya Christus Regnat
Ababanye na Gatesi batangaje ko yari umuntu ukunda guhora aseka
Korali Christus Regnat ihombye umwe mu baririmbyi b'imena

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza