Ecobank yakuyeho urujijo ku banyamushahara bashaka inguzanyo badasabwe ingwate

Yanditswe na Nkurunziza Ferdinand
Kuya 13 Kamena 2020 saa 01:34
Yasuwe :
0 0

Banki y’Ubucuruzi ya Ecobank Rwanda Plc yatangaje ko yashyizeho uburyo bworohereza abakiriya bayo n’abandi bifuza kuyigana, guhabwa inguzanyo ishobora kugera kuri miliyoni 10 z’amafaranga y’u Rwanda nta ngwate basabwe.

Ibi ngo biri mu murongo wo kurushaho korohereza abanyamushahara bakeneye kugira ikindi gikorwa cyunganira iterambere ryabo ariko bakaba nta mafaranga ahagije cyangwa ingwate bafite.

Ni uburyo Ecobank ivuga ko buzafasha cyane abanyarwanda kwiteza imbere kandi bakagera no kuri zimwe mu ntego zikomeye mu buzima bwa benshi, zirimo no kwitungira inzu zabo bwite mu gihe gikwiye.

Ecobank Rwanda ishimangira ko nyuma yo kongera gusubukura gahunda yo gutanga inguzanyo zitandukanye mu ntangiriro za 2019; byafashije abakiriya bayo kongera kubaka ubukungu bwabo n’iterambere ry’abanyarwanda risangiwe n’inzego zose, mu mikoro ya buri wese.

Umuyobozi ushinzwe abakiriya muri Ecobank Rwanda, Olivier Mpenzi, yabwiye IGIHE ko muri iki gihe abantu benshi bifuza guhanga no kwagura ibikorwa bibinjiriza inyungu ariko bakagorwa no kubona amafaranga bakeneye icyarimwe.

Ati “Buri muntu yifuza gutura mu nzu ye, gutangiza ibindi bikorwa bibyara inyungu byamufasha gutera indi ntambwe, ariko ababigeraho ni bake. Iyo dushyizeho uburyo bworohereza abatugana kubona amafaranga yo gukora icyo bifuza cyunganira ubuzima bwabo […] inzozi za benshi zigerwaho kandi bagakomeza kwaguka mu iterambere.”

Mpenzi yasabye abakiriya babagana n’abanyarwanda muri rusange kugira umuco wo kuzigama kuko ari ryo shingiro ryo kugera ku iterambere rihamye no kugirirwa icyizere cyo guhabwa inguzanyo mu bigo by’imari.

Ati “Mbere na mbere tugira inama abakiriya yo kuzigama kuko iyo umukiriya azigama bimufasha gutera intambwe yisumbuyeho mu iterambere rye. Niyo agize icyo akenera cyamufasha kuzamuka, imyitwarire ye mu kuzigama niyo imubera ikiraro kimwambutsa akagera aho ashaka.”

Kugeza ubu Ecobank ifite ubushobozi bwo gutanga inguzanyo ku mushahara, inguzanyo yo kugura imodoka yishyurwa mu myaka itanu, inguzanyo yo kugura inzu n’inguzanyo yo kugura indi nguzanyo umukiriya yatse mu kindi kigo cy’imari.

Inguzanyo idasaba ingwate iha ububasha umukiriya bwo kugurizwa kugera kuri miliyoni 10 z’amafaranga y’u Rwanda zishobora no kurenga bitewe n’ubushobozi bwe […] amategeko n’amabwiriza bigakurikizwa.

Kubona inguzanyo iyo ariyo yose muri Ecobank ntibisaba kugira konti y’umwihariko kuko waba warafunguje konti isanzwe; konti yo kuzigama; konti ya diaspora ifite umwihariko wo gufasha abanyarwanda baba hanze gukora ibikorwa bitandukanye bitabasabye kuza mu Rwanda cyangwa konti y’abatangira ibikorwa by’ubucuruzi inafite umwihariko wo kudakurwaho amafaranga yo kuyicunga ya buri kwezi […] wemerewe kwaka inguzanyo ushaka.

Gutanga inguzanyo muri Ecobank byiyongera kuri serivise z’ikoranabuhanga zakataje muri iyi banki, zirimo uburyo bwo kohererezanya amafaranga hakoreshejwe uburyo bwa ‘RapidTransfer’ no gukoresha uburyo buzwi nka ‘Online Banking’ aho umuntu yaba ari hose ku isi.

Hari kandi na porogaramu ikoreshwa muri telephone ngendanwa yiswe ‘Ecobank Mobile App’ ifasha umukiriya gukora icyo ashaka cyose kuri konti ye; ikarita zo kubikuza zitangwa ako kanya kuri buri bwoko bwose bwa konti umukiriya afunguje n’ibindi.

Izi serivise zose ziboneka mu bihugu 33 byo ku mugabane wa Afurika Ecobank ikoreramo, aribyo Togo, Gabon, Congo Brazzaville, Centrafrique, Sudani y’Epfo, Repubulika Iharanira Demokarasi ya Congo, u Rwanda, Uganda, Burundi, Kenya, Tanzanie, Zambie, Malawi, Zimbabwe, Mozambique, Cape Verde, Senegal, Guinée, Mali, Gambia, Guinea-Bissau, Sierra Leone, Liberie, Cote d’Ivoire, Burkina Faso, Ghana, Benin, Niger, Nigerie, Cameroun, Tchad, Guinée Equatoriale n’ibirwa bya Sao Tome na Principe.

Banki y’Ubucuruzi ya Ecobank Rwanda Plc yorohereje abanyamushahara bashaka inguzanyo badasabwe ingwate

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .