Dr Muvunyi yasimbuwe ku buyobozi bwa HEC

Yanditswe na IGIHE
Kuya 14 Ukwakira 2019 saa 08:11
Yasuwe :
0 0

Minisitiri w’Uburezi, Dr Eugène Mutimura, yatangaje ko Muhizi Kageruka Benjamin ariwe Muyobozi w’agateganyo w’Inama y’Igihugu y’Amashuri makuru na Kaminuza (HEC); umwanya wari usanzweho Dr Muvunyi Emmanuel.

Muri Mata 2017 nibwo Dr Muvunyi yari yagizwe Umuyobozi Mukuru wa HEC asimbuye Dr Mugisha Sebasaza Innocent, wakuwe kuri uyu mwanya n’Inama y’Abaminisitiri yateranye ku wa Gatatu, tariki 5 Mata 2017.

Hari nyuma gato ya raporo ijyanye n’imikorere ya kaminuza zitandukanye zo mu Rwanda byatumye inyinshi zifungwa.

Muhizi Kageruka Benjamin wagizwe Umuyobozi w’Agateganyo wa HEC yari asanzwe akora mu rwego rw’uburezi mu Rwanda aho yabaye Umuyobozi ushinzwe ibibazo by’Abanyeshuri muri Kaminuza y’u Rwanda, Ishami rya Huye mu 2014. Yanakoze muri Minisiteri y’Uburezi nk’Ushinzwe ireme ry’Uburezi.

Ntihigeze hatangazwa impamvu zatumye hakorwa izi mpinduka muri HEC.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza