00:00:00 IGIHE NETWORK KN KINYARWANDA EN ENGLISH FR FRANCAIS

Dr Didas Kayihura Muganga yagizwe Umuyobozi w’agateganyo wa Kaminuza y’u Rwanda

Yanditswe na IGIHE
Kuya 16 July 2022 saa 02:42
Yasuwe :

Perezida Kagame yashyizeho abayobozi bashya muri Kaminuza y’u Rwanda aho Dr Didas Kayihura Muganga yagizwe Umuyobozi Mukuru w’agateganyo mu gihe Dr Raymond Ndikumana yagizwe Umuyobozi Mukuru wungirije ushinzwe Igenamigambi n’Imiyoborere.

Ni impinduka zatangajwe mu itangazo ryashyizweho umukono na Minisitiri w’Intebe, Dr Edouard Ngirente.

Didas Kayihura wagizwe Umuyobozi w’Agateganyo wa Kaminuza y’u Rwanda, asanzwe ari Umuyobozi Mukuru mu Ishuri Rikuru ryigisha Amategeko mu Rwanda (Institute of Legal Practice and Development).

Yigeze kuba Umuyobozi w’Agateganyo wa Koleji yigisha ibijyanye n’Ubugeni na Siyansi hagati ya 2016-2017. Yabaye kandi Umuyobozi w’Ishami ryigisha Amategeko muri Kaminuza y’u Rwanda hagati ya 2007 na 2009.

Afite Impamyabumenyi y’Ikirenga yakuye muri Kaminuza ya Utrecht mu Buholandi mu 2015. Afite kandi ’Masters’ mu mategeko Mpuzamahanga yakuye muri Utrecht mu 2006. Icyiciro cya kabiri cya Kaminuza yacyigiye muri Kaminuza y’u Rwanda mu bijyanye n’Amategeko.

Asanzwe ari Umuyobozi w’Inama Njyanama y’Umujyi wa Kigali, inshingano yatorewe mu 2021 cyane ko guhera mu 2019 yari Umuyobozi wungirije wayo.

Dr Didas Kayihura Muganga yagizwe Umuyobozi w’Agateganyo wa Kaminuza y’u Rwanda Dr Didas Kayihura Muganga yagizwe Umuyobozi w’Agateganyo wa Kaminuza y’u Rwanda asimbuye Prof. Nosa Egiebor wari umaze iminsi 72 kuri uwo mwanya

Dr Raymond Ndikumana na we yari asanzwe ari umukozi muri Kaminuza y’u Rwanda. Yigeze kuba Umuhuzabikorwa w’Umushinga w’Abanya-Suède utera inkunga Kaminuza y’u Rwanda.

Yize muri Kaminuza ya Dundee muri Ecosse (2008-2009) mu bijyanye n’Imari, akomereza muri Amerika muri Stanford yiga ibijyanye no gucunga Imishinga (2013-2015) akomereza muri Örebro muri Suède aho yakuye Impamyabumenyi y’Ikirenga mu by’Ubucuruzi n’Imari.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .