COVID-19: Abashakashatsi b’Abanyarwanda bavumbuye uburyo bwo gupima abantu benshi icyarimwe

Yanditswe na Habimana James
Kuya 25 Gicurasi 2020 saa 01:28
Yasuwe :
0 0

Abashakashatsi mu by’ubuvuzi mu Rwanda, bavuga ko bavumbuye uburyo nshya bwo gupima abantu benshi icyorezo cya Coronavirus icyarimwe, kandi bukaba bwatanga ibisubizo nk’uko byakorwaga ku muntu umwe.

Ubu buryo bushya bwo gupima, bukomatanyiriza hamwe ibipimo byafashwe ku bantu, bigapimirwa mu matsinda atandukanye kandi bigatanga ibisubizo nk’ubundi buryo bwo gupima imbaga y’abantu benshi.

Abakora mu by’ubuzima bavuga ko uburyo bushya bwagaragaje ko bugira ingaruka nziza, bikaba biri no mu byatumye habaho gahunda yo koroshya gufungura ibikorwa bimwe na bimwe tariki 1 Gicurasi uyu mwaka.

Bavuga ko ubu buryo bwo gupima abantu mu bwinshi bwakoreshejwe ahantu hangana na 30% mu bigo nderabuzima byo mu turere 30 two mu Rwanda.

Ubu bushakashatsi bwasohotse muri Kaminuza bwemerejwe muri Kaminuza ya Cornell tariki 30 Mata, nyuma yo gukoreshwa kuva muri Werurwe kandi ngo bwagaragaje ko butanga umusaruro.

Abashakashatsi bagaragaza ko iyo ukoresheje ubu buryo bushya, ikiguzi cyo gupima abantu benshi gishobora kugabanuka kubera ko igikoresho kimwe gishobora gukoreshwa ku bantu benshi, niba kandi abantu banduye bashyizwe mu kato vuba kandi neza, ubwiyongere bwo kwandura buzagabanuka.

Abantu 1 280 bipimishije muri ubu buryo, hakoreshejwe gusa ibipimisho 64 gusa.

Umwe muri aba bashakashatsi Dr. Leon Mutesa, avuga ko ibindi bihugu nka Afurika y’Epfo byatangiye gusaba ko u Rwanda rwabifasha gukoresha ubu buryo.

Kimwe mu bintu byatumye hakorwa ubu bushakashatsi ni ikiguzi ndetse n’igihe bitwara mu gupima, kuko ubu ari uburyo bwiza bwo guhangana na coronavirus.

Abakoze ubu bushakashatsi bavuga ko kumenya byihuse no guha akato abantu banduye, ari imwe mu ngamba z’ingenzi mu kwirinda iyi virusi. Buvuga ko buri kizamini cyo gusuzuma SARS-CoV-2 kigura amadolari ya Amerika hagati ya 30-50.

Ubu abantu barenga 1000 nibo bapimwa buri munsi, naho muri rusange abantu barenga ibihumbi 50 bamaze gupimwa iki cyorezo.

Kuva tariki 14 Werurwe, u Rwanda rwatangaza ko rufite umuntu wanduye COVID-19, abantu 327 nibo bamaze kwandura, abamaze gukira ni 237 bisobanuye ko 90 aribo bakiri mu bitaro. Kugeza ubu nta muntu u Rwanda rurapfusha azize Coronavirus.

Abantu 1 280 bipimishije hakoreshejwe gusa ibipimisho 64 gusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .