CNLG yahwituye abakoresha ikirango cyo kwibuka bamamaza ibikorwa byabo

Yanditswe na Emma-Marie Umurerwa
Kuya 24 Mata 2019 saa 09:56
Yasuwe :
0 0

Komisiyo y’Igihugu yo kurwanya Jenoside (CNLG) yasohoye itangazo ribuza abamamariza ibikorwa byabo ku kirango cyo kwibuka Jenoside yakorewe Abatutsi muri Mata 1994.

Muri iki gihe cyo kwibuka Jenoside yakorewe Abatutsi ku nshuro ya 25, by’umwihariko mu cyumweru cyo kwibuka cyatangiye tariki ya 7 Mata, mu mu binyamakuru bitandukanye n’ahandi hagiye hanyuzwa amatangazo yamamaza y’abikorera ndetse n’ay’ibigo by’ubucuruzi bigatanga ubutumwa bwo kwibuka buherekejwe n’ibyo bakora.

Itangazo rijyanye no gukoresha ibirango byo kwibuka ryasohowe na CNLG kuwa 23 Mata 2019, rivuga ko basanze hari byinshi mu bigo by’abikorera byagiye bikora “Banderoles” zakoreshejwe mu kwibuka ku nshuro ya 25 jenoside yakorewe Abatutsi, bikazikoresha mu buryo bwo kwamamaza kandi bitemewe.

CNLG yibukije abakoresha ibirango byo kwibuka ko ibara ryo kwibuka ari ibara ry’ivu, bakaba batemerewe gukoresha andi mabara bashatse.

Yavuze ko mu gihe ibigo byifuza gukoresha (banderoles) ziriho ibirango byabyo biri kumwe n’ikirango cyo kwibuka, bitagomba kuvanga kwibuka Jenoside yakorewe Abatutsi no kwamamaza ibyo bikora.

Ikirango cy’ikigo nicyo cyonyine cyemerewe kuba cyashyirwaho kandi nacyo kigakurikiza amabwiriza yatanzwe nk’uko bigaragara ku mbuga za internet zirimo urwa CNLG no Kwibuka.

Ibikorwa byo kwibuka Jenoside yakorewe Abatutsi byatangijwe n’icyumweru cyo kwibuka tariki 7 kigasozwa tariki 13 Mata. Kwibuka bizakomeza kugeza muri Nyakanga uyu mwaka, hashize iminsi ijana.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza