Brig Gen Rwivanga yahawe izi nshingano mu mpera z’umwaka ushize, gusa imirimo ye igomba gutangira muri Gicurasi. Ku wa Gatatu yari i Kampala ku cyicaro cya Minisiteri y’Ingabo kiri i Mbuya, mu muhangbo w’ihererekanya bubasha.

Ibiro bya Brig Gen Rwivanga bizaba biherereye i Nairobi muri Kenya.

Umuhango w’ihererekanyabubasha wari uyobowe na Minisitiri w’Ingabo wa Uganda usanzwe ari n’Umuyobozi Mukuru w’Urwego rw’Inama y’Abaminisitiri ruyobora EASF, Jacob Marksons Oboth.

Yashimye Brig Gen Njema ucyuye igihe ku ruhare rwe mu kubaka uru rwego rukagira imiyoborere ihamye, kandi rugacunga mu buryo buciye mu mucyo umutungo warwo n’ibindi.

Yasabye Brig Gen Rwivanga kubakira ku byari bimaze gukorwa agaharanira ko uru rwego rukomeza kwihaza mu mikoro, kandi rugakomeza kugaragara mu bikorwa binyuranye.

Brig Gen Rwivanga yavuze ko mu miyoborere ye, azashyira imbere gukorera mu mucyo n’ubunyamwuga, agaharanira ko habaho imikoranire mu nzego z’uyu muryango n’akareree muri rusange mu kurwanya ibyaha birimo iterabwoba, ibikoresha ikoranabuhanga, ibiza n’ibindi bibangamiye ikiremwamuntu.

Yavuze ko EASF izakomeza gushyigikira ibihugu no kubiba hafi mu bihe bigoranye by’ibiza, imyizure n’indwara z’ibyorezo.

Brig Gen Ronald Rwivanga yari asanzwe ari Umuvugizi w’Ingabo z’u Rwanda, inshingano yatangiye mu 2020. Mbere yari Umuhuzabikorwa w’Amasomo mu Ishuri rikuru rya Gisirikare.

Brig Gen Ronald Rwivanga yarahiriye inshingano zo kuba Umuyobozi Mukuru wa East African Standby Force

Umuhango w'ihererekanyabubasha wabereye mu Biro bya Minisitiri w'Ingabo muri Uganda biherereye i Mbuya

Brig Gen Rwivanga asimbuye Umunya-Uganda, Brig Gen (Rtd) Paul Kahuria Njema, wari umaze imyaka itatu kuri uyu mwanya

Minisitiri w'Ingabo muri Uganda, Jacob Marksons Oboth, yasabye Brig Gen Rwivanga gukomeza kubaka urwego rukomeye