00:00:00 IGIHE NETWORK KN KINYARWANDA EN ENGLISH FR FRANCAIS

Agahinda ka Usengimana Samuel umaze imyaka 26 aburanye na mushiki we

Yanditswe na Ishimwe Deborah
Kuya 7 Nzeri 2020 saa 07:37
Yasuwe :
0 0

Hashize imyaka 26 Usengimana Samuel ndetse n’umuryango we bashakisha umwana w’umukobwa witwa Uwiringiyimana Joseline waburanye na bo akiri muto, mu gihe cya Genocide yakorewe Abatutsi, kugeza ubu bakaba bataramenya aho aherereye.

Nyina wabo witwa Niyonshima Rachel yaganiriye na IGIHE avuga ko Uwiringiyimana Joseline yaburanye n’umuryango we ari mu mu kigero cy’imyaka itandatu mu 1994, ubwo yari kumwe na mama we ahagana ku Giticyinyoni urenze Nyabugogo, kuva ubwo bakaba batarongeye kumuca iryera.

Yagize ati” Twagerageje kugana ibigo bitandukanye byadufasha kumushaka ari ibishinzwe abana ndetse twagiye no ku kigo gitanga Irangamuntu (NIDA) n’ubu ntituramubona, dukeka ko wenda yaba asigaye afite irindi zina.”

“Umunsi abura yari ari kumwe na mama we Mukasheli Pelina, hari muri bya bihe bigoye u Rwanda rwanyuzemo ubwo bari hamwe n’abandi bahunga, yatandukanye na mama we kuva ubwo kugeza ubu. Joseline afite abavandimwe icyenda nawe wa cumi.”

“Iwabo bari batuye ku Kimisagara, bari baturanye n’umuganga witwa Mazimpaka Richard. Ababyeyi be bari Ngirabinego Pierre na Mukasheli Pelina, gusa nyuma y’uko Joseline abuze Papa we yaje kwitaba Imana. “

Musaza wa Joseline, Samuel Usengimana n’agahinda kenshi kubwo kubura umuvandimwe we, avuga ko mushiki we yari afite ibimuranga akeka ko yaba akibifite.

Ati” Joseline yari afite inkovu y’ubushye ku kaboko ahagana mu nkokora n’indi mu mutwe yavuye ku gikomere yakomeretse afite imyaka itanu, inyinya uretse ko wenda yaba yaraje gusiba uko agenda akura, yari afite n’imisatsi yoroshye. Kuri ubu Joseline Uwiringiyimana ari mu kigero cy’imyaka 32.”

Umuryango wa Uwiringiyimana Joseline uvuga ko impamvu yawuteye kudacika intege ari uko wagiye wumva ubuhamya bw’abandi bagiye babona ababo nyuma y’igihe kirekire ko kandi ariyo mpamvu wahisemo kwegera IGIHE ngo ikomeze kuwufasha gushakisha.

Uwaba azi amakuru ya Joseline Uwiringiyimana yahamagara Umuryango we kuri iyi numero: + 250 728 931 789 cyangwa akohereza ubutumwa kuri iyi email: [email protected]

Ifoto igaragaza Uwiringiyimana Joseline akiri muto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .