Abashakashatsi bavumbuye urugingo rushya mu muhogo

Yanditswe na Niyitanga Jean Paul
Kuya 22 Ukwakira 2020 saa 04:32
Yasuwe :
0 0

Itsinda ry’abashakashatsi bo mu Buholandi, bavumbuye urugingo mu mubiri w’umuntu rutari ruzwi.

Uru rugingo ruherereye ku gice cy’umuhogo wo haruguru ahazwi nko mu mvubura z’amacandwe, inyuma y’aho imyenge y’amazuru ituruka. Aba bashakashatsi batangaje ko uru rugingo bavumbuye rufite uburebure bwa santimetero 3.9.

CNN yatangaje ko uru rugingo abashakashatsi bagaragaje ko rufite umumaro wo kubobeza igice cy’umuhogo wo haruguru giherereye inyuma y’amazuru n’umunwa.

Uru rugingo rufite uduce tubiri dukoze ku buryo turi ibumoso n’iburyo. Rwahawe izina rya “tubarial glands”.

Aba bashakashatsi bakorera ikigo cyo mu Buholandi gishinzwe gukora ubushakashatsi kuri kanseri, batangaje ko batunguwe n’ubu buvumbuzi kuko atari cyo bari bagambiriye, dore ko bari barimo gukora ubuvuzi bwa kanseri ya prostate.

Ngo basuzumye abantu 100 barimo umugore umwe bitewe nuko bari barimo kuvura kanseri ya prostate ifata abagabo, maze basanga bose bafite urwo rugingo.

Matthijs H. Valstar, umuganga ukora ibijyanye no kubaga ibice by’umutwe n’ijosi muri The Netherlands Cancer Institute, yagize ati “Ubu bushakashatsi burashimishije ariko ku ntangiro byasaga n’inzozi, twatekerezaga ko bidashoboka ko habaho ubuvumbuzi nk’ubu muri 2020, ni ingenzi kuba habayeho ubuvumbuzi bushya mu rwego rw’ubuvuzi.”

Abashakashatsi batandukanye batangaje ko ari ibintu bisa nk’aho bitangaje kuba hari urugingo rw’umuntu rwari rutaramenyekana nyuma y’imyaka amagana n’amagana abantu bakora ubushakashatsi.

Bakavuga ko ari ibintu byerekana ko hagikenewe ubushakashatsi ku mubiri w’umuntu.

Abashakashatsi babonye urugingo rushya ku mubiri w'umuntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .