Abapolisi b’u Rwanda 140 basoje ubutumwa muri Centrafrique

Yanditswe na Iradukunda Serge
Kuya 16 Mutarama 2020 saa 09:55
Yasuwe :
0 0

Itsinda ry’Abapolisi b’u Rwanda 140 bari bamaze umwaka mu butumwa bw’Umuryango w’Abibumbye bwo kubungabunga amahoro muri Repulika ya Centrafrique ryageze i Kigali ku mugoroba wo ku wa 15 Mutarama.

Babisikanye n’abandi 140 bahagurutse mu gitondo cyo ku wa 16 Mutarama bajya gukomeza inshingano aba bari bafite zo kurinda abayobozi b’Umuryango w’Abibumbye n’aba Repubulika ya Centrafrique.

Umyobozi w’iri tsinda, SP Binombe Mwiseneza Dieudonné, yavuze ko ubutumwa bavuyemo bwagenze neza ndetse biteguye gusangiza bagenzi babo amasomo babukuyemo.

Ati “Icya mbere twishimiye ko tugeze iwacu amahoro akazi kagenze neza kandi uko twagiye turi 140 niko tugarutse mbese twishimiye kuba tugarutse mu rugo gufatanya na bagenzi bacu kugira ngo twongere dukomeze akazi ndetse tunabasangize ubumenyi twakoze.”

SP Binombe yongeyeho ko mu gihe cy’umwaka bamaze muri Centrafrique hari byinshi bigiye ku zindi nzego z’umutekano bakoranaga bya hafi mu bikorwa byo kugarura amahoro muri iki gihugu.

Polisi y’u Rwanda isanzwe ifasha mu bikorwa byo kugarura amahoro aho ifite abapolisi muri Centrafrique na Sudani y’Epfo.

U Rwanda rwatangiye kohereza abapolisi mu butumwa bw’Umuryango w’Abibumbye bugamije kubungabunga amahoro muri Centrafrique guhera mu mwaka wa 2014. Kugeza ubu hariyo abagera kuri 420.

Umuyobozi w'iri tsinda SP Binombe aterera isaluti abayobozi bari baje kubakira
Iri tsinda ry'abapolisi ubwo ryururukaga mu ndege
Aba bapolisi bari bambaye imidari bahawe na Loni ku bwo gusohoza ubutumwa neza
Iri tsinda ryishimiye kugaruka mu rugo nyuma y'umwaka muri Centrafrique
SP Binombe Mwiseneza Dieudonné yavuze ko biteguye gusangiza bagenzi babo ubumenyi bakuye muri ubu butumwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . .