Abanyeshuri bujuje ikizamini cya leta cya 2019 bashyiriweho amahirwe yo kuminuriza muri Malaysia

Yanditswe na Iradukunda Serge
Kuya 29 Kamena 2020 saa 12:18
Yasuwe :
0 0

Binyuze mu kigo Best World Link Group gisanzwe gifasha abanyeshuri gushaka amashuri yo hanze, abanyeshuri b’Abanyarwanda bujuje ikizamini cya Leta (bagize amanota 73/73) bari guhabwa amahirwe yo kuba bakomereza amasomo yabo muri Xiamen University yo muri Malaysia, aho bazigira ubuntu.

Ni buruse izahabwa abanyeshuri 45 barangije mu mwaka w’amashuri wa 2019 batarengeje imyaka 21, kandi bakaba bafite indangamanota z’imyaka itatu isoza amashuri yisumbuye, dipolome na Pasiporo.

Umuyobozi wa Best World Link Group, Rukundo Jyenani Charles, avuga ko ubu batangiye ibikorwa byo kwakira abifuza aya mahirwe yatanzwe n’iyi kaminuza.

Yagize ati “Ubu twatangiye kubakira kandi dukeneye nibura abanyeshuri 45 biteguye gutangira kwiga muri Nzeri, aka kanya uje yujuje ibisabwa ni we twakira mbere kugira ngo imyanya baduhaye izuzure.”

Yakomeje agira ati “Iri shuri nka Best World Link Group nitwe turihagarariye mu Rwanda no muri Afurika y’Iburasirazuba, ku buryo iyo umuntu aduciyeho twe tuba dufite ibisabwa, iyo tubona ubyujuje biba bivuze ko nawe ayo mahirwe uzayabona hanyuma iyo tubona utabyujuje ntabwo twigora tukwakira.”

Umunyeshuri wujuje ibisabwa yegera Best World Link Group aho ikorera mu nzu iri muri Gare yo mu Mujyi izwi nka ‘Down town’ cyangwa akanyura kuri www.bestworldlink.co.uk, ubundi bakamufasha gushaka ibindi byangombwa.

Umunyeshuri wujuje ibisabwa azihitiramo ishami ashaka kwiga muri menshi atangwa n’iyi kaminuza arimo; Journalism, Advertising, Accounting, Finance, International Business, Computer Science and Technology, Digital Media Technology.

Uretse aya, umunyeshuri ashobora kwiga ibijyanye na Software Engineering, Chemical Engineering, Marine Biotechnology, Marine Environmental Chemistry, New Energy science and technology, Electrical and Electronics Engineering na Mathematics and Applied Mathematics.

Xiamen University ifite akarusho ko kuba ikoresha uburyo bwa Erasmus bufasha umunyeshuri waryigagamo kuba yahava agakomereza amasomo mu kindi gihugu batiriwe bamusubiza inyuma.

Best World Link Group isanzwe ifasha abanyeshuri b’abanyarwanda kujya gukomereza amasomo ya kaminuza mu bihugu byo hanze nk’u Bushinwa, Turikiya, Leta Zunze Ubumwe z’Amerika, u Buhinde, Pologne, Canada n’ahandi hatandukanye.

Umunyeshuri wujuje ibisabwa yegera Best World Link Group aho ikorera mu nzu iri muri Gare yo mu Mujyi izwi nka ‘Down town’ cyangwa akanyura kuri www.bestworldlink.co.uk, ubundi bakamufasha kwiyandikisha no gushaka ibindi byangombwa.

Xiamen University Malaysia iri muri kaminuza za mbere 400 ku Isi
JPEG - 95.1 kb
Best worldlink Group Ltd yahawe icyangombwa kiyemerera guhagararira Xiamen University Malaysia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .