00:00:00 IGIHE NETWORK KN KINYARWANDA EN ENGLISH FR FRANCAIS

Abantu batatu bafatanywe amabaro 25 y’imyenda ya caguwa

Yanditswe na Bukuru JC
Kuya 26 June 2022 saa 07:31
Yasuwe :

Polisi y’u Rwanda mu turere twa Rubavu na Rusizi yafashe mu bihe bitandukanye abantu batatu bakurikiranweho kwinjiza mu Rwanda amabaro 25 y’imyenda ya caguwa bayikuye mu gihugu cy’abaturanyi cya Repubulika iharanira Demokarasi ya Congo.

Umuvugizi wa Polisi mu Ntara y’iburengerazuba Superintendent of Police (SP) Bonaventure Twizere Karekezi, yavuze ko aya mabaro yafashwe biturutse ku makuru yatanzwe n’abaturage.

Ababigizemo uruhare bakimara gufatwa bavuze ko ayo mabaro ari ay’umugabo utuye mu Murenge wa Kanama mu isanteri ya Mahoko, akaba yari yabahaye akazi ko kumuzanira ayo mabaro bayikuye ku nkombe z’ikiyaga akabahemba amafaranga ibihumbi 10 aje kuyafata.

SP Karekezi yashimiye abaturage batanze amakuru yatumye iyi myenda yacaguwa ifatwa n’abayinjiza mu bagafatwa.

Yasoje yibutsa ko ubucuruzi bwa magendu buri mu bimunga ubukungu bw’igihugu, anibutsa ko Polisi y’u Rwanda yongereye imbaraga mu gufata abantu bose bakora magendu.

Abafashwe bashyikirijwe Urwego rw’Igihugu rw’ubugenzacyaha RIB ngo hakurikizwe amategeko.

Itegeko ry’umuryango w’ibihugu byo mu Karere k’Iburasirazuba rinakoreshwa mu Rwanda ingingo yaryo ya 199 rivuga ko ibicuruzwa bya magendu byafashwe bitezwa cyamunara.

Imodoka yakoreshejwe muri ubwo bucuruzi bwa magendu nayo itezwa cyamunara ndetse umushoferi wayo agacibwa amande angana n’ibihumbi bitanu by’amadorali y’Amerika (US$5000).

Aya mabaro yafashwe aturutse muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .