Yakebye igitsina cy’umugabo we wamwangiye gutera akabariro amezi 3

Yanditswe na

IGIHE

Kuya 16 Werurwe 2015 saa 11:55
Yasuwe :
0 0

Umugore wo muri Uganda wari umaze amezi atatu ashonje imibonano mpuzabitsina yemera icyaha cyo kuba ari we wikatiye imyanya y’ibanga y’umugabo we akoresheje urwembe.

Nk’uko tubikesha New Vision, ibi byabereye mu Gace ka Geregere ko mu Mujyi wa Lugaz, uherereye mu Karere ka Buikwe muri Uganda.

Florence Nabakooza, w’imyaka 30 y’amavuko, avuga ko yangije ubugabo bw’umugabo we Byekwaaso kubera ko yari ababajwe cyane n’uko yanze ko bakora imibonano mpuzabitsina.

Ubwo Byekwaaso yafashwaga n'umuganga ku bitaro

Ubwe ngo ni we wijyanye kuri Sitasiyo ya Polisi ya Lugazi amaze gukeba ubwo bugabo, ariko kubera ubwoba abanza kubwira Umuyobozi wa Polisi ushinzwe Ishami rishinzwe Umuryango no Kurinda Uburenganzira bw’Umwana, Michael Teriyeitu, ko Byekwaaso yamaze kugezwa ku Bitaro bya Metha biherereye muri uyu Mujyi wa Lugazi arimo kuvurwa Malariya.

Avugana n’itangazamakuru uburyo yakaze ubugabo bwa Byekwaaso w’imyaka 34 ari na we mugabo we, yagize ati “Naje kwitanga kuri Polisi kuko nakase ubugabo bw’umugabo wanjye. Mbona asa n’aho ntacyo amariye kuko yanze kunkorera ibyo agomba gukora nk’umugabo, kandi ubumuntu bwanjye bumpatira kumusaba ko duhuza ibitsina.”

Umuyobozi w’Ibitaro bya Metha, Dr. Deogratius Kasibante, na we yavuze ko Byekwaaso yabanje gusuzumwa bihagije ku cyateye imyanya y’ibanga ye kwangirika kuko yavaga amaraso bikabije.

Yakomeje avuga ko igitsina cye cyakatiwe aho gitereye ku mubiri, uretse ko ari uruhu gusa rwakaswe cyane. Yagaragaje kandi ko bamushyizeho ibipfuko inshuro esheshatu, ariko kuri ubu akaba atangiye koroherwa.

Itsinda rya Polisi na ryo ntiryanyuzwe n’igisubizo cy’umugore rijya gukora iperereza kuri uyu mugabo, ari na we wagaragaje ukuri maze anasaba ko polisi yamurekurira umugore.

Florence Nabakooza yemera k ari we wikebeye ubugabo bw'umugabo we

Gusa nyuma yo kurekurwa mu byumweru bibiri bishize, yemeza ko yagaburiye umugabo we neza ndetse anamusengera kugira ngo agarure agatege ko gutera akabariro neza. Ati “Umugabo wanjye yanyicishije irungu kandi sinamuca inyuma. Yakomezaga kumbwira ko nta mbaraga arabona.”

Nubwo uyu mugore yarekuwe, Teriyeitu, we yavuze ko kumurekura bidhagije ndetse agomba gushyikirizwa ubutabera; ati “Uyu mugabo ntabwo ashishikajwe n’ikirego, ariko ntidushobora kumva ubusabe bwe kuko umugore we afite icyaha akurikiranyweho.”

Byekwaaso n’umugre we bamaranye imyaka ine, ndetse bigeze umwana umwe wapfuye mu 2013 afite umwaka umwe gusa w’amavuko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza