00:00:00 IGIHE NETWORK KN KINYARWANDA EN ENGLISH FR FRANCAIS

Visi Perezida wa Kenya ntagikurikiranywe ku byaha bya ruswa

Yanditswe na Rosine Ingabire
Kuya 10 Ugushyingo 2022 saa 02:45
Yasuwe :

Urukiko rwo muri Kenya rwemereye ubushinjacyaha gukuraho ikirego bwari bwashyiriyeho Rigathi Gachagua, Visi Perezida mushya w’icyo gihugu.

Gachagua yashinjwaga uruhare muri ruswa ya miliyoni 60 z’amadolari mu rubanza yaregwagamo n’abandi bantu icyenda.

Nubwo ikirego cyakuweho, urukiko rwavuze ko abaregwa bashobora kuzatabwa muri yombi mu gihe iperereza rikomeje ryazagaragaza ko ibyaha bakekwaho bashobora kuba barabikoze.

Gachagua n’abamwunganira bari bamaze igihe basaba ko icyo kirego giteshwa agaciro kuko bavuga ko nta bimenyetso bihagije byatuma atangira gukurikiranwa.

Hashize iminsi ubushinjacyaha bwa Kenya bunengwa gukorerwamo n’abanyapolitiki bakomeye bukisubiraho, bugakuraho bimwe mu birego baregwaga.

Hari urundi rubanza rwabaye muri Nyakanga uyu mwaka urukiko rutegeka ko Gachagua yishyura miliyoni 202 z’amashilingi ya Kenya nyuma yo guhamywa ibyaha bya ruswa.

Gachagua yakunze kubyamaganira kure avuga ko ari gukurikiranwa ku mpamvu za politiki, mu mugambi wo guca intege William Ruto n’abari bamushyigikiye mu matora ya Perezida.

Rigathi Gachagua yakuriweho ibirego yashinjwaga bya ruswa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .