00:00:00 IGIHE NETWORK KN KINYARWANDA EN ENGLISH FR FRANCAIS

Umuyobozi Mukuru muri Al-Shabab yafatiwe muri Mozambique

Yanditswe na Bukuru JC
Kuya 21 January 2022 saa 12:40
Yasuwe :

Igisirikare cya Mozambique cyataye muri yombi umwe mu bayobozi bakuru ba Al-Shabab ifite uruhare mu bikorwa by’iterabwoba bimaze igihe byibasiye intara yo mu Majyaruguru ya Cabo Delgado.

Uwafashwe yitwa Ali, afite imyaka 39 ndetse akomoko muri Tanzania. Yafatiwe mu gace ka Nangade ari kumwe n’izindi nyeshyamba esheshatu.

Hashize imyaka isaga ine Mozambique iri mu rugamba rwo guhangana n’imitwe y’iterabwoba yigaruriye uduce twinshi muri Cabo Delgado.

Benshi mu byihebe bikorera muri Cabo Delgado bituruka mu bihugu nka Kenya, Tanzania, Uganda, Somalia, Yemen, RDC no mu Rwanda.

Mu mpera z’icyumweru gishize agace ka Nangade kagabweho ibitero n’umutwe wa Al Shabab, abantu batanu baricwa mu gihe abasaga 200 bakomeretse.

Guhera mu 2017 ubwo ibitero by’iterabwoba byagabwaga muri Cabo Delgado, abasaga 3000 bamaze kwicwa mu gihe abagera kuri miliyoni bavuye mu byabo.

Ingabo z’u Rwanda, iz’Umuryango wa Afurika y’Amajyepfo (SADC) ziri muri Cabo Delgado zifatanyije n’iza Mozambique guhashya imitwe y’iterabwoba.

Ingabo za Mozambique zatangaje ko zafashe umwe mu bayobozi ba Al Shabab

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .