Umujyi wa Goma wagize umuntu wa mbere urwaye coronavirus

Yanditswe na Mukwaya Olivier
Kuya 31 Werurwe 2020 saa 10:47
Yasuwe :
0 0

Mu mujyi wa Goma, mu Ntara ya Kivu y’Amajyaruguru habonetse umurwayi wa mbere wa Coronavirus, hakaba hafashwe ingamba zikomeye zirimo no guhagarika urujya n’uruza.

Mu itangazo ryashyizwe ahagaragara kuri uyu wa mbere taliki 30 werurwe 2020, n’ubunyamabanga bw’agashami gashinzwe kurwanya Coronavirus buremeza ko mu barwayi 17 bashya babonetse muri Repubulika Iharanira Demokarasi ya Congo, umwe aturuka mu ntara ya Kivu y’amajyaruguru mu mujyi wa Goma.

Intara ya Kivu y’amajyaruguru ikaba ibaye ahantu ha kane hagaragayemo icyorezo cya Coronavirus nyuma y’umujyi wa Kinshasa, Ituri n’intara ya Kivu y’Amajyepfo .

Uyu murwayi wabonetse akomoka muri Nigeria akaba yarageze i Goma tariki 18 Werurwe 2020 . Yari mu kato kuva tariki 23 Werurwe 2020. Yari umukozi w’umuryango nterankunga ukorera i Goma.

Guverineri w’intara ya Kivu y’Amajyaruguru, Carly Kasivita Nzanzu yasabye umuyobozi w’urwego rushinzwe abinjira n’abasohoka gushakisha abakozi bakora ku mupaka munini wa Grande Barrière bahuye n’uwo murwayi waje avuye mu Rwanda.

Kuri icyi Cyumweru hari habonetse abandi bantu babiri banduye icyorezo cya Coronavirus mu mujyi wa Bukavu muri Kivu y’Amajyepfo ihana imbibi n’umujyi wa Goma.

Kuva iki cyorezo cyagaragara muri Repubulika iharanira demukarasi ya Congo hamaze kuboneka abarwayi 98, umunani barapfuye mu gihe batatu bakize.

I Goma habonetse umurwayi wa mbere wa coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .