Umuhungu wa Déby yahawe inshingano zose za Perezida wa Repubulika

Yanditswe na Ntabareshya Jean de Dieu
Kuya 22 Mata 2021 saa 01:10
Yasuwe :
0 0

Itangazo ry’Ibiro by’Umukuru w’Igihugu muri Tchad ryagaragaje ko umuhungu wa Idriss Déby Itno, agiye kuyobora mu cyimbo cya se uherutse kwitaba Imana azize ibikomere by’amasasu.

Gen. Mahamat Idriss Déby w’imyaka 37 niwe wahawe ubutware bwo kuyobora igihugu mu gihe cy’inzibacyuho izamara amezi 18 ayoboye Tchad ndetse azaba afite inshingano zose z’Umukuru w’Igihugu.

Uyu mwanzuro ugiye gushyirwa mu bikorwa nk’itegeko shingiro rya repubulika, ugena ko Mahamat Idriss Déby azaba ari n’Umugaba Mukuru w’Ingabo.

Idriss Déby Itno wayoboye imyaka igera kuri 30, aherutse kwicwa n’ibikomere by’amasasu yarashwe ubwo yari ku rugamba mu Majyaruguru y’Igihugu cye.

Mahamat Idriss Déby yakundaga kuba ari hafi ya se ndetse yanakurikiraga umutekano we kuko yari akuriye umutwe w’abasirikare barinda Perezida.

Nyuma y’urupfu rwa se, ku wa Kabiri yahise asinya itegeko rishyiraho Akanama ka Gisirikare n’abajenerali 15 biganjemo abahoze iruhande rwa se kandi bari abizerwa kuri we kagomba kuyobora inzibacyuho mu gihe cy’amezi 18 kagategura amatora aciye mu mucyo.

Ubu niwe ukurikiye Akanama k’Abaminisitiri, abayobozi bakuru mu by’umutekano ndetse arateganya gushyiraho abantu 69 bazamufasha mu buyobozi mu mezi ari imbere.

Mahamat Idriss Déby Itno yahawe inshingano za Perezida wa Repubulika wa Tchad

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .