00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Perezida Museveni yasabwe kwerekana permis imwemerera gutwara imodoka

Yanditswe na Mugisha Christian
Kuya 26 January 2022 saa 07:25
Yasuwe :

Umunyamategeko wo muri Uganda, Male Mabirizi, yandikiye Minisiteri y’Umurimo n’Ingendo ayisaba kwerekana ibyangombwa byemerera Perezida Yoweri Museveni gutwara imodoka (permis).

Uyu munyamategeko yavuze ko yakunze kubona Perezida Museveni atwaye imodoka, ariko ntamenye niba abifitiye uburenganzira. Yakomeje avuga ko niba Perezida Museveni afite permis, yaba yarishe Itegeko rigena ko umuntu uhabwa ibyangombwa byo gutwara imodoka agomba kuba areba neza, mu gihe Mabirizi avuga ko Perezida Museveni afite uburwayi bw’amaso bijyanye n’imyaka ye.

Mu gihe Perezida yaba adafite permis, Mabirizi avuga byaba ari ikibazo gikomeye kuko yaba atwara imodoka nta burenganzira abifitiye, nabyo bikaba ari ukwica Itegeko rigenga gutwara ibinyabiziga muri Uganda.

Uyu munyamategeko yavuze ko ari uburenganzira bwa rubanda kumenya amakuru y’ibibakorerwa ndetse no kumenya imyitwarire y’abayobozi, yibutsa Minisiteri y’Umurimo n’Ingendo ko mu gihe yarenza iminsi 21 itaramusubiza, izaba yishe Itegeko bityo akazayijyana mu nkiko.

Yavuze ko yifuza kurega Perezida Museveni kubera gutwara imodoka za Leta kandi atabifitiye ubushobozi. Uyu mugabo kandi yari aherutse kujyana Umuyobozi w’Urwego rw’Ubwiyunge muri Uganda, Robert Kyagulanyi, mu nkiko amushinja kuba yarabonye uruhushya rumwemerera gutwara imodoka mu buryo bw’uburiganya.

Perezida Museveni yasabwe kwerekana uruhushya rwo gutwara imodoka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .