00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rwasabye abaturage bajya muri RDC kwitwararika

Yanditswe na Rabbi Malo Umucunguzi
Kuya 31 May 2022 saa 06:17
Yasuwe :

Guverinoma y’u Rwanda yasabye abaturage bayo bajya muri Repubulika Iharanira Demokarasi ya Congo (RDC) kwitwararika, nyuma y’amagambo n’ibikorwa by’urwango bikomeje kuvugwa muri iki gihugu cyo mu Burengerazuba bwarwo.

Ni icyemezo cyafashwe nyuma y’uko abanye-Congo benshi barimo abanyapolitiki, abaturage basanzwe ndetse n’abakora mu nzego zishinzwe umutekano, bakomeje guhamagarira abandi gufata imihoro no gutera u Rwanda.

Mu kiganiro n’abanyamakuru cyo kuri uyu wa Kabiri, Minisitiri w’Ububanyi n’Amahanga, Dr Vincent Biruta, yavuze ko hari amagambo avugwa ku maradiyo, ku mbuga nkoranyambaga n’ahandi agamije kwerekana ko Abanyarwanda ari babi, ko abaturage ba RDC bagomba gutera u Rwanda bakarwomeka ku gihugu cyabo.

Minisitiri Biruta ni ho yahereye asaba Abanyarwanda bajya muri RDC kwitwararika kuko aya magambo ashobora kuvamo ibikorwa by’urugomo n’ihohotera.

Ati "Ntabwo wabona amagambo avugwa atya ngo hanyuma uvuge ngo kubera ko leta itabikubwiye ngo ugiye kujya muri Congo, kugenda nk’uko byari bisanzwe, ibintu ntabwo bimeze nk’uko byari bisanzwe.”

“Biragaragara, kandi ariko abaturage ba hariya ku mipaka, inzego z’ibanze zarabegereye, barasobanuriwe, babwirwa amakuru uko ameze, babwirwa n’ibyo bakwiye kwitwarika bijyanye n’umutekano wabo mu gihe baba batekereza kujya hakurya, kuko nta wababwira ngo umutekano wabo urizewe.”

Uyu muburo urareba cyane abaturage bo ku mipaka ya Rusizi na Rubavu ihana imbibi na RDC bambuka bagiye mu bucuruzi butandukanye muri iki gihugu.

Minisitiri Biruta yaciye amarenga ko bikomeje u Rwanda rushobora kubigira rusange Abanyarwanda bagasabwa kutajya muri RDC.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .