Muri Nyakanga 2014, Ishyirahamwe riharanira uburenganzira bwa muntu (Human Right Watch/HRW) ryasohoye icyegeranyo, rishinja ihohotera rishingiye ku gitsina abasirikare b’abarundi boherejwe kugarura no kubungabunga amahoro n’umutekano muri Somalia mu mutwe w’ingabo z’umuryango w’abibumbye (AMISOM).

Muri icyo cyegeranyo cya HRW, byavuzwe ko abakobwa n’abagore bagera kuri 21 b’Abanyasomaliyakazi ari bo bamenyekanye ko basambanyijwe n’abasirikare b’abarundi.

Minisiteri y’Ububanyi n’amahanga bwahise bushyiraho itsinda ry’iperereza, woherezwa muri Somalia gushakisha ireme ry’ibishinjwa aboi basirikare.

Iryo tsinda ry’abantu batandatu ryari riyobowe na Colonel Sibomana Ignace ushinzwe ubugenzacyaha muri Minisiteri y’ububanyi n’amahanga, akaba yari yungirijwe na Nzeyimana Joseph, Umujyanama mu by’amategeko muri iyo Ministeri.

Mu byumweru bitatu iryo tsinda rivuga ko ryamaze rikora iperereza mu Murwa mukuru i Mogadishu ndetse n’i Bujumbura mu Burundi Colonel Sibomana Ignace akemeza ko batigeze babona n’ikirego na kimwe cy’uwaba yarakorewe ihohoterwa rishingiye ku gitsina, ndetse n’abantu babajijwe bakaba barabyamaganiye kure.

Col Sibimnana avuga ko iperereza bakoreye muri Somalia basanze abasirikare b’abarundi bitwara neza, akavuga ko HRW ritigeze rigerera aho baba ngo rirebe uko hatunganyije, ngo kuko uburyo hubatse bitashobokera abo bari n’abategarugori kuhinjira mu ibanga.

Mu gushyira ku mugaragaro raporo y’ibyavuye mu iperereza ry’iryo tsinda, bamwe mu bari aho bagaragaje impungenge n’amakenga bafite kuri ayo maperereza, cyane ko arimo imvugo ebyiri kandi abazivuga bose bem,eza ko babanje gutohoza neza.

Général Habarugira, umunyamabanga uhoraho muri Minisiteri y’Ububanyi n’amahanga yemeza ko hatabayeho gukorana gukwiye hagati ya HRW n’itsinda ry’abarundi rishinzwe iperereza, agasaba ko ryakwegera uwo muryango (HRW) bagakorera hamwe irindi perereza ryimbitse, kugirango niba koko hari uwakoze ibyo byaha ashobore kubiryozwa.

Jolke Oppewal uhagarariye u Buholande mu Burundi,ari na cyo cyatanze inkunga kugirango ayo maperereza y’itsinda ry’abarundi akorwe, yatangaje ko kuba nta cyo ryabonye mu byo abobasirikare bashinjwa, bitavuze ko ntacyabaye, ari na yo mpamvu yasabye ko abakoze iryo Perereza bakwegera HRW bagakorera hamwe.

Egide Nduwimana