U Burundi bwongereye igihe cyo guhagarika ingendo z’indege

Yanditswe na Twarabanye Venuste
Kuya 4 Mata 2020 saa 01:00
Yasuwe :
0 0

Ku nshuro ya kabiri u Burundi bwongeye igihe cyo guhagarika ingendo mpuzamahanga z’indege ziva cyangwa zijya ku kibuga Mpuzamahanga cyitiriwe Melchior Ndadaye, mu rwego rwo kurwanya ikwirakwira rya Coronavirus.

Mu itangazo rigenewe abanyamakuru ryashyizwe ahagaragara ku wa Gatanu tariki 3 Mata 2020, Minisitiri w’Ubwikorezi mu Burundi, Jean Bosco Ntunzwenimana yavuze ko igihe cyo guhagarika indege mpuzamahanga z’ubucuruzi “cyongereweho iminsi 14 bigatangira gukurikizwa kuri uyu wa 4 Mata ku isaha ya 11:59 z’ijoro ku isaha yo mu Burundi.”

Ati “Icyemezo cyo kongera igihe cyo guhagarika indege mpuzamahanga z’ubucuruzi cyafashwe nyuma yo kureba uko ibintu byifashe.”

Ihagarikwa riheruka ryari kurangira kuri uyu wa 4 Mata saa 11:59 z’ijoro ku isaha y’i Burundi. Ubundi guhagarika ingendo byamaraga iminsi irindwi kuri buri nshuro. U Burundi bwaharitse ingendo z’indege bwa mbere tariki ya 21 Werurwe 2020.

Icyakora iryo tangazo rivuga ko indege zitwaye imizigo, iz’ubutabazi, iziri mu bikorwa byo kurengera ikiremwamuntu, n’iz’Aabadipolomate zitarebwa n’icyo cyemezo.

Kugeza ubu abantu batatu nibo bemejwe ko bagaragayeho coronavirus mu Burundi nk’uko byatangajwe na Minisitiri w’Ubuzima Thaddee Ndikumana ku wa Kane. Ndikumana yavuze ko aba mbere babiri bagaragaye ku wa Kabiri, undi umwe wahuye n’umwe mu banduye agaragara ku wa Kane mu bitaro byiriwe Prince Louis Rwagasore.

Kenya Airways ni imwe muri sosiyete z'indege zikorera ingendo mu Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .