00:00:00 IGIHE NETWORK KN KINYARWANDA EN ENGLISH FR FRANCAIS

Tunisia: Hari impungenge ko Minisitiri w’Intebe uherutse kwirukanwa yaba yaraburiwe irengero

Yanditswe na Umutoni Rosine
Kuya 5 Kanama 2021 saa 07:26
Yasuwe :
0 0

Ubwoba ni bwose muri Tunisia nyuma y’iminsi mike uwari Minisitiri w’Intebe, Hichem Mechichi yirukanywe na Perezida ariko akaba atagaragara mu ruhame.

Hichem Mechichi ntaravugisha itangazamakuru cyangwa ngo agaragare mu ruhame guhera tariki 25 Nyakanga ubwo yakurwaga ku mirimo.

Hari ibinyamakuru bimwe byatangaje ko kuva yakurwa ku mirimo n’abo mu muryango we batazi aho aherereye.

Ku mbuga nkoranyambaga hatangijwe hashtag iri mu Cyarabu ivuga ngo “Hichem Mechichi ari hehe?”, aho bamwe bavuga ko ashobora kuba yaraburiwe irengero.

BBC yatangaje ko hari amakuru adafitiwe gihamya avuga ko Mechichi yaba yarakubitiwe mu ngoro ya Perezida kugira ngo yemere kwegura ubwo Perezida Kais Saied yafataga umwanzuro wo gusesa Guverinoma n’Inteko Ishinga Amategeko.

Icyakora ku wa 26 Nyakanga, Mechichi yanditse kuri Facebook ye ahakana gukubitwa, avuga ko yiyemeje kuva ku mwanya wa Minisitiri w’Intebe.

Kuva ubwo ntabwo yongeye kugaragara mu ruhame cyangwa kwandika ku mbuga nkoranyambaga, hakaba hari abakeka ko yafunzwe.

Hichem Mechichi amaze iminsi atagaragara mu ruhame, hakaba hari impungenge ko yatawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .