Tanzania: Abana 10 bahiriye mu macumbi y’ishuri ryabo

Yanditswe na Iradukunda Serge
Kuya 14 Nzeri 2020 saa 03:52
Yasuwe :
0 0

Abanyeshuri 10 bigaga mu mashuri abanza bapfuye bazize inkongi yibasiye amacumbi bararagamo mu kigo kiri mu gace ka Kagera mu Karere ka Kyerwa, mu Majyaruguru ashyira Uburengerazuba bwa Tanzania.

Iyi nkongi ngo yibasiye amacumbi y’iri shuli rya Byamungu English Medium Primary School mu gitondo cyo kuri uyu wa 14 Nzeri, abatabara bagerageza kuzimya ariko ntibyagira icyo bitanga.

Umuyobozi w’Akarere ka Kyerwa, Rashid Mwaimu, yabwiye BBC ko imibiri y’aba bana yahiye ku buryo batabashije kubamenya, bikaba biteganyijwe ko hazakorwa ikizamini cya DNA kugira ngo hamenyekane imyirondoro yabo n’imiryango yabo ibone uko ibashyingura.

Uretse aba banyeshuri 10 bapfuye hari n’abandi barindwi bakomeretse bikomeye ubu bo bakaba bari kwitabwaho n’abaganga.

Nyuma y’iyi nsanganya ubuyobozi bwo muri aka gace bwahise busaba ababyeyi kuza gutwara abana bigaga bacumbikiwe.

Kugeza ubu Polisi yo muri Tanzania yahise itangira iperereza ngo imenye impamvu yateye iyi nkongi.

Si ubwa mbere muri Tanzania inkongi z’umuriro zibasira ikigo cy’ishuri abana bakahasiga ubuzima dore ko no muri Nyakanga abandi banyeshuri batatu bari baherutse gupfa nabo bahiriye mu macumbi yabo nyuma y’inkongi yibasiye Ilala Islamic Secondary school muri Dar es Salaam.

Amacumbi yapfiriyemo abana 10 nyuma yo gushya arakongoka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .