Somalia: Al-Shabab yigambye kwica abantu batanu barimo Umwongereza

Yanditswe na Evariste Nsengimana
Kuya 10 Ukwakira 2018 saa 09:38
Yasuwe :
0 0

Inyeshyamba z’umutwe wa al Shabaab zishe zirashe abantu batanu, barimo Umunya-Somalia ufite inkomoko mu Bwongereza washinjwaga kuba intasi.

Umuyobozi w’uyu mutwe mu gace ka Jubba, Mohamed Abu Abdalla, yatangaje ko abantu batanu bishwe barashwe nyuma yaho bemereye urukiko ko bari intasi.

Yakomeje abwira Reuters ko Awale Ahmed Mohamed w’imyaka 32 wageze muri iki gihugu aturutse mu Bwongereza, ari umwe mu bishwe. Ngo yari intasi y’Urwego rw’Ubutasi rw’u Bwongereza, MI6.

Al Shabaab imaze igihe kinini igabwaho ibitero n’Ingabo za Leta Zunze Ubumwe za Amerika hamwe n’iza Guverinoma ya Somalia. Kuva mu 2011, yokejwe igitutu iva mu Murwa Mukuru.

Inyeshyamba z’umutwe wa al Shabaab zishe zirashe abantu batanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza