00:00:00 IGIHE NETWORK KN KINYARWANDA EN ENGLISH FR FRANCAIS

Sierra Leone:Abatavuga rumwe na Leta bashinjwe kwigomeka

Yanditswe na Rosine Ingabire
Kuya 14 August 2022 saa 08:54
Yasuwe :

Amashyaka atavuga rumwe na Leta muri Sierra Leone yashinjwe kwigomeka ku butegetsi nyuma y’imyigaragambyo yabaye muri iki cyumweru igahitana ubuzima bwa benshi.

Kuwa Gatatu w’iki cyumweru nibwo abagore bateguye imyigaragambyo igamije kwamagana ubuzima bukomeje guhenda muri icyo gihugu cyo mu Burengerazuba bwa Afurika.

Imyigaragambyo yaje gufata indi ntera kuko n’abagabo bayitabiriye basaba Perezida Julius Maada Bio kwegura, bahangana n’inzego z’umutekano ndetse bamwe bahasiga ubuzima.

Imibare ya Polisi igaragaza ko abigaragambya batandatu n’abapolisi bane aribo baguye muri iyo myigaragambyo, nubwo hari abandi bavuga ko abaguyemo bagera kuri 21.

Imyigaragambyo yakwiriye hirya no hino mu gihugu kugeza ubwo Leta ikuyeho internet.

Leta kandi yafashe ingamba zitandukanye zirimo gushyiraho amasaha ntarengwa yo gufunga amaduka mu murwa mukuru Freetown kandi mu mihanda itandukanye hashyirwa inzego z’umutekano.

Mu ijambo Perezida Julius Maada Bio yagejeje ku baturage kuri uyu wa Gatanu, yavuze ko abatavuga rumwe na Leta ibikorwa bakoze ari ukwigomeka kuri Leta ye.

Ati “Iyi ntabwo ari imyigaragambyo ku buzima bukomeje guhenda, ahubwo ni ukwigomeka kwari kugamije guhirika inzego zashyizweho muri demokarasi.”

Mu batunzwe agatoiki na Perezida Bio harimo ishyaka All Peoples Congress rizwiho kuza ku isonga mu mashyaka atavuga rumwe na Leta ndetse n’ishyaka People’s Progressive Party (PPP).

Perezida Bio yavuze ko ari ibikorwa byateguwe neza kandi bigashorwamo amafaranga n’abashakaga guhungabanya umutekano n’ituze rya rubanda.

Sierra Leone yafatwaga nk’igihugu gitekanye nyuma y’intambara yatangiye mu 1991 ikageza mu 2002, yahitanye abasaga ibihumbi 120.

Imyigaragambyo yaguyemo bamwe mu bigaragambyaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .