00:00:00 IGIHE NETWORK KN KINYARWANDA EN ENGLISH FR FRANCAIS

RDC: Vital Kamerhe yagizwe umwere

Yanditswe na Bukuru JC
Kuya 23 June 2022 saa 06:34
Yasuwe :

Urukiko rw’Ubujurire muri Repubulika Iharanira Demokarasi ya Congo (RDC) rwagize umwere Vital Kamerhe wahoze ashinzwe ibiro bya Perezida Félix Antoine Tshisekedi.

Kamerhe yashinjwaga kunyereza umutungo wa Leta mu mishinga irimo uwo kubaka amacumbi y’abasirikare.

Umunyamategeko wa Kamerhe yabwiye ikinyamakuru Actualité ko umukiliya we yagizwe umwere kuko habuze ibimenyetso bimuhamya icyaha.

Mu minsi ishize urukiko rushinzwe gusesa imanza rwari rwatesheje agaciro igifungo cy’imyaka 13 Kamerhe yari yahawe, urubanza ruhabwa abacamanza bashya ngo barusubiremo.

Vital Kamerhe w’imyaka 63, muri Mata 2020 yari yakatiwe igifungo cy’imyaka 20 ashinjwa kunyereza miliyoni 50 z’Amadolari mu mushinga wari ugamije kubakira amacumbi abasirikare n’abapolisi.

Ni ibyaha Kamerhe ufite ishyaka UNC, yashinjwaga kuba yarakoze ubwo yari ashinzwe ibiro bya Perezida Tshisekedi guhera mu 2019.

Igihano cy’imyaka 20 cyaje kugabanywa mu bujurire gishyirwa ku myaka 13.

Kamerhe amaze hafi imyaka ibiri ari muri gereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .