RDC: Umupolisi yishe nyirabukwe nawe ahita yirasa

Yanditswe na Iradukunda Serge
Kuya 23 Kanama 2020 saa 01:08
Yasuwe :
0 0

Muri Repubulika Iharanira Demokarasi ya Congo mu Ntara ya Ituri, mu Mujyi wa Bunia umupolisi ufite ipeti rya DPC (Deputy Police Commissioner) yarashe nyirabukwe yakekagaho kugira uruhare mu iyahukana ry’umugore we nawe ahita yirasa.

Ubu bwicanyi bwabaye ku wa 22 Kanama, ubwo uyu mupolisi wari uzwi ku mazina ya, Lifino Ley, ngo yari amaze iminsi ashakisha umugore waburiwe irengero nyuma yo kwahukana kubera ibibazo bari bagiranye.

Kuba uyu mupolisi yakekaga ko nyirabukwe ari inyuma y’ibura ry’umugore, nibyo Polisi yo muri iki gihugu itanga nk’impamvu yaba yatumye uyu mugabo yivugana nyirabukwe nawe yarangiza akirasa mu mutwe.

Polisi yo muri Repubulika Iharanira Demokarasi ya Congo yamaganye iki gikorwa cyakozwe na mugenzi wabo isaba abasigaye kurangwa n’ikinyabupfura ndetse inizeza ko igiye guhita itangira iperereza kuri iki gikorwa.

Muri uyu mujyi wa Bunia niho habereye ubu bwicanyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .