00:00:00 IGIHE NETWORK KN KINYARWANDA EN ENGLISH FR FRANCAIS

RDC: Imirwano yongeye kubura, M23 na FARDC baritana ba mwana

Yanditswe na Mukwaya Olivier
Kuya 23 May 2022 saa 07:50
Yasuwe :

Ingabo za Leta ya Congo, FARDC, n’umutwe witwaje intwaro wa M23, baritana ba mwana ku iyuburwa ry’imirwano aho buri ruhande rushinja urundi gutangiza imirwano.

Ni imirwano yatangiye ku wa Kane mu masaha y’igicamunsi nyuma y’itangazo ryasohowe n’Ingabo za M23.

Ryavugaga ko abarwanyi ba FDLR bayobowe na Col. Ruhinda bashyizwe muri batayo ya 22 muri Burigade iyobowe na Col Mushengezi bakoherezwa mu kigo cya Rumangabo.

Ngo bashyizwe muri iyo batayo hamwe n’abandi b’indi mitwe irimo Nyatura - Abazungu, APCLS na Nyatura - Domi kandi ko biteguye kugaba ibitero kuri M23.

Umuvugizi w’Ishami rya Gisirikare ry’Umutwe wa M23, Major Willy Ngoma, yavuze ko nyuma y’uko bagaragaje ko Ingabo za leta zitwaje indi mitwe, bateguye ibitero byabateye uburakari.

Ati “Ingabo za FARDC zifatanyije n’imitwe ya FDLR, NDC, CMC, APCLS, NYATURA bagabye ibitero ku birindiro byacu mu misozi ya Rushari na Runyoni bigaragaza uburakari bagize nyuma y’uko muri iki gitondo twari twashyize hanze umugambi wabo wo kutugabaho ibitero’’.

Umuvugizi w’agace k’ibikorwa bya gisirikare ka Sokola ya 2, Lt Col. Guillaume Njike Kaiko, agendeye ku itangazo rya M23, yavuze ko ryerekana ko bari biteguye imirwano.

Ati “M23 yongeye na none kugaba ibitero ku birindiro byacu kandi ni nyuma y’isaha imwe bamaze gusohora itangazo ryacicikanaga ku mbuga nkoranyambaga bigaragaza ko biteguraga kubura imirwano. Kuri ubu Ingabo za FARDC zihagaze neza dutegereje uko biza kurangira.”

Iyi mirwano yongeye kubura nyuma y’agahenge kari kamaze iminsi mike cyane ko hari umwuka w’ibiganiro byo kurangiza ibibazo by’imitwe yitwaje intwaro ibarizwa mu Burasirazuba bwa RDC.

Imirwano yongeye kubura hagati ya M23 n'Ingabo za Leta ya Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .