00:00:00 IGIHE NETWORK KN KINYARWANDA EN ENGLISH FR FRANCAIS

RDC: FDLR irashinjwa kwica umuturage nyuma yo kumushimuta

Yanditswe na Bukuru JC
Kuya 1 May 2022 saa 11:07
Yasuwe :

Abaturage bo mu gace ka Buramba, muri Teritwari ya Rutshuru muri Nord Kivu bashinje abarwanyi ba FDLR kwica umuturage nyuma y’iminsi bamushimuse.

Ndagijimana Timothée Benson w’imyaka 42 yashimuswe mu ijoro ryo ku itariki 24 Mata. Uyu mugabo w’abana batandatu yari asanzwe ari umwigisha w’ijambo ry’imana muri succursale gatolika ya Kanzanza muri Paruwasi Binza.

Ibinyamakuru byo muri RDC byatangaje ko umurambo wa Ndajimana waje kugaragara tariki 26 Mata hafi y’agace atuyemo.

Abaturage kandi bavuze ko bamaze iminsi babona abarwanyi ba FDLR muri ako gace, ariho bahereye basaba Guverinoma kugira icyo ikora ikabirukana kuko bakomeje kugirira nabi abaturage.

Bagaragaje ko na tariki 11 Mata, hari undi muturage wishwe na FDLR , witwa Kakule Ngorombi.

Abaturage basabye ko hakorwa ibishoboka byose ngo FDLR irandurwe muri ako gace

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .