Inzego z’umutekano zatangaje ko abashyize intwaro hasi ari Umuyobozi wa Maï-maï UPLC, Kakule la Fontaine, n’uw’Umutwe wa Maï-maï AFRC wayoborwaga na Kakule Masibi bakunze kwita ‘Je t’aime’ . Iyo mitwe yose ikorera muri Kivu y’Amajyaruguru.

Guverineri w’iyo Ntara, Carly Nzanzu, yabwiye Radio Okapi ko abo bayobozi bombi yabakiriye ku wa Mbere tariki 4 Gicurasi mu Biro bye i Goma.

Carly Nzanzu yatangaje ko gushyira intwaro hasi biratuma abarwanyi babo bakiri muri Teritwari za Lubero na Ruthsuru, bagira ubushake bwo kumvira umukuru w’igihugu bagashyira intwaro hasi.

Kuva mu mwaka ushize Perezida, Félix Tshisekedi yiyemeje gukaza ibikorwa byo guhashya imitwe yitwaje intwaro kugeza izishyize hasi.

Mu Ukwakira abarwanyi ba Maï-maï UPLC barenga 500 bashyize intwaro hasi, bishyikiriza Ingabo z’Igihugu.

Abarwanyi 213 ba AFRC bari baherutse kwishyikiriza FARDC