Iki cyorezo kimaze kugaragara mu ntara zirindwi n’uturere 62, aho inzego z’ubuzima zikomeje kongera imbaraga mu kugikumira.

Kugeza ku wa 15 Nzeri 2026, abantu 7,404 ni bo bari bamaze kwemezwa ko banduye Ebola, barimo 1.776 bakize, ndetse na 3.577 bishwe n’iyi ndwara. Abandi barwayi 930 bari mu kato cyangwa mu bitaro.

Inzego z’ubuzima zivuga ko zikomeje gukurikirana abantu bashobora kuba barahuye n’abanduye, aho igipimo cyo gukurikirana abahuye na bo kigeze kuri 87,4%.

Mu masaha 24 ashize, abarwayi 23 batangajwe ko bakize Ebola, mu gihe nta handi hantu hashya hamenyekanye abarwayi bashya bemejwe.

Intara za Haut-Uélé, Sud-Kivu na Sud-Ubangi ntizigeze zitangaza umubare mushya w’abanduye Ebola muri icyo gihe.

Hagati aho, ibikorwa byo gukingira abaturage byongerewe imbaraga mu ntara zitandukanye, mu gihe gahunda zo gukurikirana abinjira n’abasohoka ku mipaka ndetse no gukangurira abaturage kwirinda no gutanga amakuru ku gihe bikomeje.

Abahitanywe na Ebola barenze 3570