RDC: Abagera kuri 6000 bamaze guhitanwa n’indwara y’iseru

Yanditswe na Uwase Joie Clarisse
Kuya 8 Mutarama 2020 saa 06:46
Yasuwe :
0 0

Ishami ry’Umuryango w’Abibumbye ryita ku Buzima (OMS) ryagaragaje ko muri Repubulika Iharanira Demokarasi ya Congo hatangajwe ko umubare w’abamaze guhitanwa n’iseru muri RDC umaze kugera ku 6000.

Kuri uyu wa Kabiri OMS yatangaje ko igiye gukora ibishoboka byose ngo ibashe kwita ku baturage.

Umuyobozi wa OMS muri Afurika, Dr Matshidiso Moeti, yagize ati "Turakora ibishoboka kugira ngo tubashe guhashya iyi ndwara y’iseru. Tuzabasha kubigeraho nitumenya ko nta mwana n’umwe wicwa n’iyo mpamvu tugomba kubaha urukingo rurwanya iseru.’’

Minisiteri y’Ubuzima muri RDC yavuze ko bamaze gutera inkingo z’iseru abana bari munsi y’imyaka itanu bagera kuri miliyoni 18 mu gihugu cyose gusa ngo imibare iracyari hasi.

Mu mwaka wa 2019 abagera kuri 310 000 nibo bafashwe n’iseru mu gihugu hose.

OMS ivuga ko bimwe mu bituma iyo ndwara ikomeje kwiyongera ari ukuba abaturage bose batagerwaho n’inkingo, imirire mibi, ibikorwa remezo bike by’ubuvuzi n’ibindi.

Hamaze kuboneka miliyoni 27.6 z’amadolari yo guhangana n’icyo cyorezo mu gihe hakenewe izindi miliyoni 40 mu guhangana nacyo mu bana bafite amezi atandatu kugeza ku myaka 14.

OMS ivuga ko hagikenewe amafaranga menshi ngo ihangane n'icyorezo cy'iseru kimaze guhitana benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza