00:00:00 IGIHE NETWORK KN KINYARWANDA EN ENGLISH FR FRANCAIS

Philippines: Amashuri yongeye gufungura imiryango nyuma y’imyaka ibiri afunze

Yanditswe na Uwabeza Hussein
Kuya 22 August 2022 saa 08:41
Yasuwe :

Kuri uyu wa Mbere tariki 22 Kanama muri Philippines nibwo amashuri yongeye gufungura imiryango nyuma y’imyaka ibiri afunze kubera icyorezo cya COVID-19.

Philippines iri mu bihugu byatinze gufungura amashuri kuko Rodrigo Duterte wari Perezida w’iki gihugu yashyizeho amabwiriza ya Guma mu rugo iri mu zabaye ndende kandi atakozwaga ibyo gufungura amashuri ku bw’ubwoba bwo kongera kwibasirwa na COVID-19.

Uku gufunga amashuri kw’igihe kirekire kwakomeje gutera impungenge ku burezi bw’abana b’abanya-Philippines n’ubundi bwari mu mage na mbere y’iki cyorezo.

Ubushakashatsi bwakozwe na Banki y’isi umwaka ushize bwagaragaje ko muri iki gihugu byibura abana 9 ku 10 bari mu kigero cy’imyaka 10 badashobora gusoma no kwisobanurira inkuru nto kandi zoroshye.

N’ubwo amashuri yongeye gufungura si yose kuko ayafunguye abarirwa mu bihumbi 24 , ni ukuvuga 46% by’amashuri yose. Andi asigaye akazakomeza kwigisha hifashishijwe ikoranabuhanga ry’iya kure byibura kugera tariki 2 Ugushyingo.

Philippines amashuri yafunguye kuri uyu wa Mbere nyuma y'imyaka ibiri afunze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .