Ibi yabivugiye mu kiganiro yagiranye n’abamushyigikiye cyabereye mu murwa mukuru Belgrade.

Yagize ati “Nzaba perezida mu gihe cy’ibyumweru bike biri imbere, ubundi mpite negura.”

Hashize hafi umwaka muri iki gihugu haba imyigaragambyo yo kwamagana ruswa yatangijwe n’abanyeshuri ikwira igihugu cyose.

Vučić yavuze ko azakomeza gufasha ishyaka rye rya Serbian Progressive Party (SNS) mu matora ari imbere, harimo n’ay’Inteko Ishinga Amategeko, nubwo atigeze atangaza neza itariki nyayo azeguriraho.

Yavuze ko nubwo manda ye ya kabiri izarangira mu 2027, azava ku butegetsi mbere y’igihe nubwo atavuze igihe nyakuri amatora y’umukuru w’igihugu n’igihe Inteko Ishinga Amategeko izaba yasheshwe.

Perezida Aleksandar Vučić yavuze ko agiye kwegura