Guverinoma y’iki gihugu yavuze ko Perezida Tshisekedi kuri uyu wa Kabiri azaba ari i Luanda aho azagirana ibiganiro na mugenzi we wa Angola, João Lourenço. Iki gihugu bakaba basangiye imipaka ku gice kinini ndetse mu minsi ishize hakaba haravuzwe no kwirukana abanye-Congo babagayo.

Ku munsi ukurikiraho, Perezida Tshisekedi azaba ari i Nairobi aho azagirana ibiganiro byihariye na mugenzi we Uhuru Kenyatta, wanitabiriye irahire rye ndetse agasoreza muri Congo-Brazzaville, aho azagirana ibiganiro na Perezida Denis Sassou-Nguesso.

Tshisekedi wagiye ku butegetsi kuwa 24 Mutarama, ni Perezida wa Gatanu wa RDC, akaba yarasimbuye Joseph Kabila. Ni ubwa mbere muri iki gihugu habayeho guhererekanya ubutegetsi mu mahoro.

Perezida Tshisekedi azasura Kenya, Angola na Congo-Brazzaville