00:00:00 IGIHE NETWORK KN KINYARWANDA EN ENGLISH FR FRANCAIS

Perezida Suluhu yashyizwe ku rutonde rw’abantu ijana bavuga rikijyana ku Isi

Yanditswe na Mugisha Christian
Kuya 29 May 2022 saa 07:13
Yasuwe :

Ikinyamakuru ‘Time Magazine’ cyashyize perezida wa mbere w’umugore mu gihugu cya Tanzania, Samia Suluhu Hassan, ku rutonde rw’abantu 100 bavuga rikijyana ku Isi.

Perezida Suluhu yahuriye ku rutonde rwa 2022 n’abandi bantu bakomeye ku Isi barimo Perezida wa Amerika, Joe Biden, Perezida wu Burusiya, Vladimir Putin, Minisitiri w’intebe wa Ethiopia, Abiy Ahmed hamwe n’umuyobozi mukuru wa Apple, Tim Cook.

Abantu ijana bavuga rikijyana, ‘Time Magazine’ yabagabanije mu byiciro bitandatu bitandukanye harimo n’icyiciro cy’abayobozi ari nacyo uyu Perezida wa Tanzania agaragaramo.

Perezida Samia yarahiriye kuba Perezida ku ya 19 Werurwe 2021 nyuma y’urupfu rw’uwamubanjirije John Pombe Magufuli.

Mu mwaka umwe amaze ari perezida, Samia yashyize abagore benshi muri guverinoma ye muri minisiteri zikomeye nka minisiteri y’ubuzima, ubukerarugendo n’umutekano.

Yahuye kenshi n’abatavuga rumwe n’ubutegetsi bwe kugira ngo hashakwe umuti w’ibibazo byugarije Tanzania.

Ikinyamakuru ‘Time Magazine’ kivuga ko ubuyobozi bwe bukomeje kuba icyitegererezo.

Bagize bati “Uyu mwaka Samia amaze ku butegetsi hahindutse byinshi muri Tanzania. Hafunguwe imiryango y’ibiganiro hagati n’abo bahanganye muri politiki, yagaragaje imbaraga zo kongera kugirira icyizere gahunda ya demokarasi muri icyo gihugu n’imbaraga nyinshi zishyirwa mu kongera ubwisanzure bw’itangazamakuru.”

Perezida Samia Suluhu Hassan yavukiye kandi akurira ku kirwa cya Zanzibar. Yinjiye muri politiki byeruye mu 2000.

Perezida Suluhu yashimiwe ibyo amaze gukora mu mwaka umwe amaze ku butegetsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .