00:00:00 IGIHE NETWORK KN KINYARWANDA EN ENGLISH FR FRANCAIS

Perezida Denis Sassou Nguesso yatorewe kwiyamamariza manda ya gatatu

Yanditswe na

Robert Musafiri

Kuya 26 Mutarama 2016 saa 08:53
Yasuwe :

Ishyaka riri ku butegetsi muri Congo Brazzaville(PCT) ryatangaje kuri uyu wa Mbere ko Perezida Nguesso ariwe uzarihagararira mu matora y’Umukuru w’Igihugu ateganyijwe tariki 20 Werurwe 2016.

Ibi, byemejwe mu nama yahuje abayoboke bakuru b’iri shyaka kuri uyu wa Mbere tariki 25 Mutarama aho bemeje ko Perezida Denis Sassou Nguesso w’imyaka 72 ariwe uzahagarira iri shyaka mu matora y’Umukuru w’Igihugu muri Congo Brazzaville.

Perezida Sassou Nguesso agiye kwiyamamariza manda ya gatatu nyuma y’imyaka 32 ayobora iki gihugu.

Mu mpera z’umwaka ushize, habaye amatora ya referandumu ku ivugururwa ry’Itegeko Nshinga aho Perezida Nguesso yemerewe kwiyamamariza manda ya gatatu. Abatavuga rumwe n’ubutegetsi bavuze ko ibi ari ugukandagira itegeko nshinga.

Itegeko Nshinga ryari risanzwe ryavugaga ko nta muntu urengeje imyaka 70 wemerewe kwiyamamariza kuyobora igihugu ndetse ko manda z’Umukuru w’Igihugu zitarenga ebyiri.

Perezida w’u Bufaransa Francois Hollande aherutse kubazwa icyo avuga ku kuba Perezida Nguesso yakwiyamamariza manda ya gatatu, avuga ko icya ngombwa ari uko ari amahitamo y’abaturage ba Congo Brazaville.

Perezida Sassou Nguesso amaze imyaka 32 ku butegetsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .