Nyiragongo ishobora kongera kuruka bitarenze 2027

Yanditswe na Iradukunda Serge
Kuya 9 Nzeri 2020 saa 07:52
Yasuwe :
0 0

Ubushakashatsi bwakorewe mu Burasirazuba bwa Repubulika Iharanira Demokarasi ya Congo bwerekanye ko ikirunga kiri muri aka gace cya Nyiragongo gishobora kongera kuruka hagati y’imyaka ine n’irindwi iri imbere.

Ubu bushakashatsi bwakozwe n’Ikigo cy’ubushakashatsi ku Birunga, Goma Volcano Observatory, bugaragaza ko iri ruka niriramuka ribayeho rizagira ingaruka ku bantu barenga miliyoni ebyiri batuye mu nkengero z’iki kirunga cyane cyane mu Mujyi wa Goma n’uwa Rubavu mu Rwanda.

Iki kigo kivuga ko ubwiyongera bw’abaturage muri Goma bwatumye bamwe mu baturage batura bitegeye inzira zanyuramo ibyo iki kirunga cyaruka , ibintu birushaho gushyira ubuzima bwabo mu kaga.

Iki kirunga giheruka kuruka mu 2002, aho cyangije byinshi ku ruhande rwa RDC ndetse n’u Rwanda, dore ko icyo gihe u Rwanda rwakiriye impunzi z’abanye-Congo zigera ku bihumbi 400.

Icyo gihe hari inzu zasenyutse ku ruhande rwa Congo ndetse no mu duce tw’u Rwanda duturiye Goma inzu zimwe ziyasa imitutu.

Ubushakashatsi bwagaragaje ko ikirunga cya Nyiragongo gishobora kongera kuruka hagati ya 2024 na 2027

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .