Perezida wa Nigeria Goodluck Jonathan yatangaje ku mugaragaro ku wa kabiri ko aziyamamariza gukomeza kuyobora icyo gihugu mu matora ateganyijwe muri 2015.

Goodluck Ebele Azikiwe Jonathan wagiye ku butegetsi muri 2010 avuga ko azahagararira ishyaka rya PDP (People’s Democratic Party).

France 24 dukesha iyi nkuru ivuga ko amatora y’umwaka utaha azahatanirwa cyane, amashyaka atavuga rumwe na leta ntanga umukandida umwe rukumbi.

Perezida Goodluck Jonathan anengwa cyane kuba yarananiwe kunesha umutwe wa Boko Haram w’intagondwa zigendera ku matwara y’idini ya Isilamu wa Boko Haram.

Goodluck avuga ko azakora ibishoboka byose agahashya uyu mutwe nubwo ingabo za Nigeria zagaragaje ubushobozi buke cyane mu kuwuhashya, none ukaba wigaruriye umujyi wa Mahia mu majyaruguru y’Uburasirazuba.

[email protected]