00:00:00 IGIHE NETWORK KN KINYARWANDA EN ENGLISH FR FRANCAIS

Museveni yashinje Abadepite ba EU ubwirasi n’ubwenge buke

Yanditswe na Bukuru JC
Kuya 27 Nzeri 2022 saa 03:55
Yasuwe :

Perezida wa Uganda, Yoweri Museveni yashinje ubwirasi n’ubwenge buke abadepite b’Umuryango w’Ubumwe bw’u Burayi (EU) baherutse gutora umwanzuro usaba Uganda guhagarika umushinga yatangije wo gucukura peteroli.

Uwo mushinga Uganda iri kuwufatanya na Tanzania, sosiyete y’Abafaransa Total Energies na China National Offshore Oil Corporation. Uyu mushinga byitezwe ko uzaba watangiye gutanga umusaruro mu 2025, ukazatwara miliyari 10 z’Amadolari.

Abadepite ba EU bavuze ko uwo mushinga ukwiriye guhagarara dore ko ugiye gukorerwa hafi y’ikiyaga cya Albert ngo kuko wangiza ibidukikije kandi ukaba uhonyora uburenganzira bwa muntu, kuko abaturage bawuturiye bamaze igihe binubira ingurane bahawe.

Kuri uyu wa Kabiri ubwo Museveni yafunguraga ku mugaragaro inama izwi nka Uganda International Oil and Gas Summit i Kampala, yavuze ko Abadepite ba EU ari abirasi.

Ati “Bamwe muri aba bantu ni abiyemezi, ubundi umuntu aba akwiriye gucunga ibyo avuga ngo atarengera. Batekereza hafi kandi bakikunda cyane. Bibwira ko bazi buri cyose, bakabiheraho bamamaza ubugoryi bwabo. Nibatuze."

Inteko ya EU nyuma yo kwamagana umushinga wa Uganda, yanahamagaje Umuyobozi Mukuru wa Total Energies, Patrick Pouyanné ngo asobanure iby’uwo mushinga barimo na Uganda.

Museveni yavuze ko umushinga wo gucukura peteroli uzakomeza byanze bikunze, agira inama abo badepite gushaka ibindi bibazo byugarije u Burayi bajya gushakira umuti.

Yongeyeho ko nubwo hari icyo uwo mushinga waba wangiza ku bidukikije, ngo uruhare rwayo mu kwangiza ibidukikije ku rwego mpuzamahanga ntirwagereranywa n’urw’Abanyaburayi.

Bivugwa ko peteroli iri munsi y’ubutaka bwa Uganda icukuwe yavamo utugunguru dusaga miliyari 1.4.

Museveni yavuze ko Abanyaburayi bakwiriye kureba ibibazo by'iwabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .