Izi nyubako zasenyutse mu ijoro rishyira ku wa 10 Ukuboza 2025. Imwe muri zo nta bantu bari barimo mu gihe indi nyubako yaberagamo ibirori gakondo bya kiyisilamu bizwi nka Aqiqah byo kwishimira ivuka ry’umwana.

Umushinjacyaha wo mu Mujyi wa Fez, yatangaje ko imibare y’abaguye muri izi nyubako ishobora kwiyongera kuko hagikorwa iperereza.

Ubuyobozi bwo muri aka gace bwavuze ko inyubako zombi zari amagorofa ane, iyaberagamo ibirori ikaba yabagamo imiryango umunani.

Umugabo wapfushije umugore n’abana batatu yavuze ko umwana we wabaga mu gice cyo hejuru yabahamagaye ababwira ko inzu igiye kugwa ako kanya bakabona irindimukiye hasi.

Reuters yanditse ko inyubako zo mu gace ka Al-Mustaqbal gatuwe n’abantu benshi cyane zigaragaza ko zatangiye kwiyasa cyane.

Inyubako yagwiriye abantu yari yarabanje kwiyasa

Abantu 22 ni bo bapfiriyemo ariko imibare ishobora kwiyongera