Mali: Uwahoze ari Minisitiri w’Ingabo yagizwe Perezida w’inzibacyuho

Yanditswe na IGIHE
Kuya 21 Nzeri 2020 saa 07:28
Yasuwe :
0 0

Ba Ndaw wabaye Minisitiri w’Ingabo muri Mali yagizwe Perezida w’Inzibacyuho, nyuma y’ihirikwa ry’ubutegetsi bwa Ibrahim Boubakar Keïta ryabaye ku wa 18 Kanama, kuva icyo gihe igihugu kikaba cyari kiyobowe n’itsinda ry’abasirikare.

Ba Ndaw wahoze ari Colonel mu ngabo zirwanira mu kirere za Mali ariko wagiye mu kiruhuko, yahabwaga amahirwe menshi yo kujya kuri iyi ntebe, nyuma y’ubusabe bumaze iminsi ko ubutegetsi bwashyirwa mu maboko y’abasivili.

Uyu mugabo w’imyaka 50 yabaye umuntu wa hafi w’uwabaye Perezida wa Mali, Général Moussa Traoré, witabye Imana ku wa 15 Nzeri. Yanabaye Umuyobozi Mukuru mu Ngabo za Mali, ku butegetsi bwa Alpha Oumar Konaré kuva mu 1992 kugeza mu 2002.

Yanabaye kandi Minisitiri w’Ingabo muri Gicurasi 2014, asimbuye Soumeylou Boubèye Maïga weguye nyuma y’ugutsindwa kw’ingabo zari zihanganye n’abarwanyi mu gace ka Kidal.

Colonel Assimi Goïta wari uyoboye igihugu nyuma yo guhirika ubutegetsi, yemejwe nka Visi Perezida w’Inzibacyuho muri Mali.

Biteganyijwe ko perezida mushya na visi perezida bazarahira ku wa 25 Nzeri.

Colonel Assimi Goïta wari uyoboye igihugu nyuma yo guhirika ubutegetsi, yemejwe nka Visi Perezida w’inzibacyuho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .